Валентина ИЛЬИНА /Красноармейски районĕ/:

- "Сĕт хакĕ чакать" статьяна тарăхса вуларăм. Продукци пуçтаракансем январьтен сутлăх хака 2-шер тенкĕ сахаллатрĕç. Красноармейски районĕнче кашни литршăн 18 тенкĕ тÿлеççĕ. Лавккасенче те йÿнетсен эпир, килти хуçалăхра ĕне усракансем, кÿренместĕмĕр. Иртнĕ уйăхсенче вĕсенче хаклансах пычĕ!

Пĕлтĕрхи кĕркуннеренпе фураж, утă-улăм, хутăш апат хакĕ хăпарчĕ. Иртнĕ çул вĕсене çителĕклĕ хатĕрлеменнисен е туянма кĕсьерен укçа нумай кăлармалла, е выльăха типĕ улăм çеç çитермелле /паллах, унпа кăна ĕне сĕт начар антарать/.

Çĕннине пĕлес кăмăл пысăк чухне нимĕн те чăрмантараймĕ

Чăваш Ен Пуçлăхĕ Михаил Игнатьев кăçалхи январĕн 23-мĕшĕнче Чăваш Республикин Çамрăксен правительствине туса хурасси çинчен калакан Указа алă пусрĕ. Ăна хĕрсемпе каччăсене республикăн обществăпа политика пурнăçне тата пуçаруллăрах явăçтарас тесе йĕркелеççĕ.