Çуллана тухас умĕн чăх чĕппи туянас терĕмĕр. Хальччен хулара пурăннăран яла хăнăхатпăр кăна. Çавăнпа пасарта чĕп суйланă чух мĕне шута илмелле-ши? Кÿршĕсем нумаях пулмасть чĕпсем туянчĕç, анчах темиçе кунтан вĕсенчен çуррийĕ вилчĕ. Пур-çук укçана çилпе вĕçтерес килмест-çке.
Нина Иванова. Етĕрне.
Хальхи вăхăтра холестерин пирки нумай калаçаççĕ. Пĕрисем - усăллă, теприсем сиенлĕ тесе каланине час-часах илтме пулать. Холестерин шайне тытса пыма çуллă çимĕç çиме юрамасть-мĕн. Тĕрĕсех-ши çакă? Организмра вăл ытлашши пухăнасран мĕнле асăрханмалла?
Анна Васильевна, ĕç ветеранĕ. Патăрьел районĕ.
Чăн та, нумайăшĕ холестерин сывлăхшăн сиенлĕ тесе шутлать. Анчах ку тĕрĕсех мар. Пурĕ виçĕ тĕслĕ холестерин пур. Вĕсем кашниех организма витĕм кÿреççĕ. Тĕплĕрех вĕсене тишкерер-ха.
Атте 75 çула çитсе пырать. Килти хуçалăхри ĕçсене хăех пурнăçлать, анчах ăна-кăна тума ыйтнă чухне хытă кăшкăрса каламалла. Ватлăхра хăлхи япăх илтме тытăнчĕ. Тухтăрсем ятарлă аппарат туянма сĕнеççĕ. Анчах халăхра ĕлĕк ку чире ансат майсемпех сипленĕ теççĕ. Мĕнпе пулăшма пулать-ши аттене?
Раиса Ковалева. Канаш хули.
Çитес уйăхра тивĕçлĕ канăва тухатăп. Çавна май пенси укçине тивĕçмелли йĕркене пĕлес килет.
П.КОМАРОВ.
Пурăннă вырăна пăхмасăр, тивĕçлĕ канăва тухнă çын пенси укçине хăш организаци урлă илсе тăрассине хăй палăртать - Пенси фончĕ тÿлеве çавăнта куçарать. Чылайăшĕ ăна банк урлă тивĕçес шухăшлă. Кредит организацийĕ патшалăхăн кăна мар /тĕслĕхрен, Перекет банкĕ, унăн тытăмĕсем çĕршывĕпех сарăлнă/, коммерцилли те пĕлтерĕшлĕ.
Канаш районĕнче тĕлĕнтермĕш кĕпер пур теççĕ. Мĕнлерех вăл? Кĕпере хăçан хывнă? Унпа хăçан усă курма пăрахнă? Çав вырăна кайса курас килет паллах. Кĕпер çинчен тĕплĕнрех каласа кăтартсамăр.
А.ДЕМЬЯНОВ.
Чăвашла верси
Русская версия
