22 Çу, 2015

"Хыпар" никĕслевçине чысласа

"Хыпар" хаçата никĕсленĕ Николай Никольский çуралнă кун, сăнанă тăрăх, яланах хĕвеллĕ те ăшă пулаканччĕ. Çавăнпах-и - чăн-чăн уяв пекех туйăнатчĕ вăл. Хальхинче майăн 19-мĕшĕнче ирхине тÿпере сивĕ пĕлĕтсем купаланни кăна курăнатчĕ. Çапах та "Хыпарçăсен" делегацийĕ чăваш хаçачĕн пĕрремĕш редакторĕн, паллă историкĕн, этнографăн тăван ялне - Муркаш районĕнчи Купăрляна - пуç тайма килсе çитнине çутçанталăк та ырă паллă пек йышăнчĕ-ши - уяв хĕрсе çитсен хура-кăвак пĕлĕтсен хыçĕнчен хĕвел шуса тухрĕ.

22 Çу, 2015

Турри сывлăхне патăрах ăна

Вăрçă чарăннăранпа 70 çул çитнине уявларăмăр акă. Челябинск хулинче пурăнакан Евгения Николаевна Пустозерова вăрçă ветеранĕ çинчен кĕскен те пулин çырса кăтартас килет. Вăл 1919 çулхи декабрĕн 13-мĕшĕнче Тутар Республикинчи Теччĕ районĕнчи Аслă Ăнă ялĕнче çуралнă. Çав ялтах 7 класс вĕренсе пĕтернĕ.

22 Çу, 2015

«Халăх санран часавай-палăк лартма ыйтать...»

Тĕлĕке ĕненме хушмаççĕ. Апла пулин те тепĕр чухне çав тери уçăмлисем пулаççĕ. Вĕсене куракан унта мĕн пулса иртнине чăн пурнăçринчен те çивĕчреххĕн, ĕмĕрлĕх асра юлмалла туйса тăрать. Ниепле те манса кайма çук вĕсене.

22 Çу, 2015

Тăлăха макăрма ан вĕрент

Журналистика çулĕ ăçта кăна çитермерĕ-ши мана? Совет самани вăхăтĕнче Совет Союзĕнчи чи илемлĕ те пуян хуласенче те, чикĕ леш енчи чылай-чылай çĕршывра та пулма тÿр килчĕ. Хитре те илемлĕ вырăнсем, паллах, чуна çĕклетчĕç, хăйсем патне туртатчĕç. Анчах та Чăваш çĕрĕнчен пĕр самантлăха та уйрăлас килмерĕ. Упăшка вилнĕ хыççăн питĕ çамрăкла икĕ ачапа тăрса юлнăскер йывăр вăхăтсенче пуçа час-часах «Мускава е çурçĕр еннелле тухса каймалла мар-ши?» тесе килекен шухăшсене хирĕçлесе «Çук, пурăнаймастăп эпĕ тăван тăрăхсăр» тесе пĕтĕмлетÿ тăваттăм, малалла ĕçлеттĕм.

21 Çу, 2015

«Хĕрĕм» тесе чĕнĕттĕм, хам ăшша парнелĕттĕм...

Светлана Николаевна Казанцева вĕрентекен кашни ир класа кĕмессерен Женя Романовăна куçĕсемпе шырать. «Ăçта-ши вăл? Паян шкула килнĕ-ши? Е тата киле парса янă ĕçсене пурнăçланă-ши?» - тесе пăшăрханать. Женя пÿлĕме кĕрсенех вăркакан чунĕ çемçелет, пĕчĕкскере пырса ыталать.

21 Çу, 2015

Спорт туризмĕ – кăмăл çирĕплĕхне ÿстерме

Çамрăксем хушшинче спорт туризмне аталантарас енĕпе республикăра аван ĕçлеççĕ. Муркаш районĕнчи Юнкă шкулĕ те айккинче юлмасть. Коридорта чăнкăр-чăнкăр сасă илтĕнсенех шкулта ĕçлекенсем çине ыйтуллăн пăхрăм. «Кусем - спорт туризмĕпе хатĕрленекенсем», - ăнлантарчĕç мана. Спортăн çак тĕсĕпе уйрăмах туслă икĕ хĕрача çинчен «Тантăш» тусĕсене те пĕлтерер-ха.

21 Çу, 2015

Чутаях туртать ман чун

Поэзи хальхи этемĕн чи çивĕч те тарăн ыйтăвĕсен хуравĕ пулса тăраять. Анчах çакна валли ăна халăхăн пысăк тимлĕхĕ кирлĕ.

Май уйăхĕн 15-мĕшĕнче Хĕрлĕ Чутай шкулĕнче «Чутаях туртать ман чун» тĕлпулу каçĕ иртрĕ. Ăна Раççейри Литература çулталăкне халалланă. Тĕлпулăва вырăнти сăвăçсем - Александр Трофимов, Светлана Яруткина тата Ольга Иванова - килсе çитрĕç.

21 Çу, 2015

Йăх-несĕле асра тытса

Шупашкарти 6-мĕш шкулăн 2 «г» класĕнче вĕренекенсем мăн аслашшĕсемпе мăн кукашшĕсене асра тытса заметка çырчĕç. Ара, Тăван çĕршывăн Аслă вăрçи вĕçленнĕренпе кăçал 70 çул çитрĕ-çке.

21 Çу, 2015

Унăн ырă ячĕ пирĕн асăмрах

Чăваш наци конгресĕн вĕренÿпе ăслăлăх комитечĕ, «Чăваш Республикин учителĕсен ассоциацийĕ» общес-тво организацийĕн чăваш чĕлхипе литератури вĕрентекенсен секцийĕ тата «Самант» журнал пирĕн аслă поэтăмăр Константин Васильевич Иванов çуралнăранпа 125 çул çитнине чысласа викторина ирттерчĕ.

Pages