Кашкăрсем тапăнаççĕ

4 Нарăс, 2016

Вăрнар районĕнчи Вăрманкас тата Пăртас ял тăрăхĕсенче пурăнакансене кашкăрсем аптăратаççĕ. Кĕперлĕ Кÿлхĕрри ялĕн çыннисен выльăх-чĕрлĕхĕ чакать: кашкăрсем сурăхсене, хурсене, йытăсене тапăннă.

Кашкăр ĕрченине кура сунарçăсем тухнă, Вăрманкас çывăхĕнчи вăрманта вĕсем икĕ кунра тăватă кашкăра персе вĕлернĕ. «Тукмак хÿресем» выльăх-чĕрлĕхе кăна шар кăтартмаççĕ, вĕсем тĕрлĕ чир-чĕр, вирус сараççĕ. Уйрăмах урнă чир хăрушă. Вăрнарсене асăрхануллă пулма ыйтаççĕ. Сунарçăсем каланă тăрăх, районта сахалтан та виçĕ кашкăр юлнă.

Рубрика: