Канашра лифт кăларма тытăнĕç

Канашри машиностроени заводĕнче хальхи йышши лифт кăларма тытăнĕç. Предприяти 100 лифт хатĕрлемешкĕн саккас илнĕ ĕнтĕ.

Завода 300 миллион тенкĕ инвестици хывнă. Палăртмалла: Раççейре лифт кăларас енĕпе темиçе завод çеç ĕçлет. Çĕршыври чылай лифт вара кивелнĕ, çулталăкне 35 пинĕшне улăштармалла. Канашра туса кăларакан тавар вара ют çĕршывра хатĕрленисенчен кая мар пулĕ. Унта 400-1250 килограмм чăтакан, видеосăнавлă тата сенсор экранлă лифтсем кăларĕç.