Республика Кунне Чăваш Ен анлă паллă турĕ. Шупашкарта та, ытти районсенче чылай мероприяти иртрĕ. Çĕнĕ Лапсар салинче те пысăк, хаваслă уяв пулчĕ. Тĕрлĕ регион хăнисемпе артисчĕсем пухăнчĕç унта. Мари Эл, Мордва, Тутарстан республикисенчен килнĕ юрă-ташă ансамблĕсем чăвашсене хăйсен пултарулăхĕпе савăнтарчĕç.
Чăваш Республикин Культура министерствин пуçарăвĕпе Чăваш наци библиотеки «Чăваш Ен литература палитри: вулама сĕннĕ 100 кĕнеке» акци йĕркелет. Вăл 2015 çулхи мартăн 25-мĕшĕнчен пуçласа сентябрĕн 1-мĕшĕччен тăсăлать. Мероприятие Раç-çейри Литература тата Чăваш Енри Константин Иванов çулталăкĕсене халалланă. Республика акцийĕн тĕллевĕ - наци литературин паха тĕслĕхĕсене палăртасси, вĕсене вулакансем патне çитересси, вулав хастарлăхне ÿстересси.
Паянхи кун ăсчахсемпе тĕпчевçĕсем чăваш чĕлхи çухалас пирки калаçнине час-часах илтме пулать. Паллах, вĕсем çак проблемăна пÿрнерен «ĕмсе» кăларма пултарайман: чăваш чĕлхипе паянхи кун мĕнле шайра усă курнине пĕлсе, халăхăн чи пысăк пуянлăхне çамрăк ăру кирлĕ пек упраманнине палăртса çапла синкерлĕ пĕтĕмлетÿ тунă.
Чăвашла верси
Русская версия
