Хыпар

6 Çурла, 2014

Алимент тÿлемесен...

РФ Уголовлă кодексĕн 157 статйинче ашшĕ-амăшĕ судăн çул çитмен ачисем валли укçа тÿлеттермелли йышăнăвне пурнăçлассинчен сĕмсĕррĕн пăрăнсан вĕсене уголовлă майпа явап тыттарассине çирĕплетнĕ - çулталăклăха ирĕклĕхсĕр хăварасси таранах. Анчах хăшĕ-пĕри хăйсен тăван тĕпренчĕкĕсен шăпи çине алă сулать кăна мар, уголовлă яваплăхран та хăрамасть.

Тăвай районĕн территорийĕнче суд приставĕсен службин дознавателĕ 2014 çулăн пĕрремĕш çурринче алимент тÿлемен çынсем тĕлĕшпе уголовлă 2 ĕç пуçарнă. Вĕсене тĕпчессине прокуратура сăнасах тăчĕ.

Хыпар
Пулса иртни
6 Çурла, 2014

Типографие ярса илесшĕн пулнă

Укçа, пурлăх вăрлани час-часах пулать-ха - унашкалли тĕлĕнтермест. Ку тĕслĕхре вара ултавçăсем сумлă предприятие ярса илме тăнă.

Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен пайĕ тĕп хулари типографисенчен пĕрин директорĕ тĕлĕшпе уголовлă ĕç пуçарнă ĕнтĕ. Ăна юридици вăйĕнчи тытăмсен патшалăхăн пĕрлехи реестрне суя кăтартусем кĕртнĕшĕн тата уйрăмах пысăк виçепе улталама тăнăшăн айăплаççĕ. Пысăк виçепе пулмасăр - предприяти хакĕ 93 млн тенкĕ ытла вĕт!

Хыпар
Пулса иртни
Следстви
6 Çурла, 2014

Маçтăрсен йышĕ ÿсет

ЧР Физкультурăпа спорт министерствин пресс-служби пĕлтернĕ тăрăх - паянхи кун республикăн пĕрлештернĕ командисен йышĕнче спортăн 143 мастерĕ, тĕнче класлă мастерăн нормативне тултарнă 41 спортсмен тата РФ спортăн тава тивĕçлĕ 9 мастерĕ тĕрлĕ ăмăртура Чăваш Ен чысне хÿтĕлет.

Хыпар
Спорт
Хисеплĕ ят
6 Çурла, 2014

Фитнес-аэробика пики

Ун евĕр пикене спортсменка, чиперкке, общество хастарĕ тесе калаççĕ. Маттур та тăрăшуллăскере, республикăри фитнес-аэробика федерацийĕн ертÿçине çапла хаклани вырăнлă. Унăн пултарулăхĕпе ĕçченлĕхне те Чăваш Ен Пуçлăхĕ пысăк хак панă.

Хыпар
Спорт
Маттур!
6 Çурла, 2014

Ирчченех янăрарĕ юрă-кĕвĕ...

Çĕрпÿ районĕнчи Пысăк Чăрăш ялĕнчи тасатса çĕнетнĕ пĕве таврашĕнче утă уйăхĕн хĕвеллĕ пĕр кунĕнче халăх хĕвĕшрĕ кăна. В.Иванов староста ертсе пынипе ватти те, вĕтти те ял уявне паллă тума пухăннă. Ку мероприяти кăçалхипе тăххăрмĕш хут иртрĕ.

Хыпар
Культура
Ял уявĕ

Pages