Çапла калать Патăрьел районĕнчи Чăваш Ишекри çитмĕл улттăри Геннадий Никишкин. Ялти хисеплĕ шур сухалăн аса илме сăлтав пысăк. Теприсем çеремлĕ тăрăха иртнĕ ĕмĕрĕн 50-60-мĕш çулĕсенче çуллахи каникулта кайса курнипех мухтанаççĕ, хаçатра тĕрленчĕк пичетлеме хистеççĕ. Гена пичче виçĕ çул ĕçленĕ пулин те кăкăр çапса çÿремест. Ăнсăртран калаçу пуçламасан ку материал çуралмастчĕ пулĕ.
Ял тата культура учрежденийĕ. Мĕнлерех шайлашура вĕсем? Хуларан инçетре, «упа шăтăкĕнчи тĕттĕм кĕтесре» чăваш искусстви, ÿнерĕ, литератури кăсăклантараççĕ-и ăна? Пушă вăхăта ял çамрăкĕ мĕнле ирттерет? Ыйтусен хуравне тĕшмĕртме яллă вырăнти культура учрежденийĕсене тухса çÿреме тивни пулăшрĕ темелле.
РФ Шалти ĕçсен министерствин Етĕрне тата Комсомольски районĕсенчи пайĕсен пуçлăхĕсем улшăннă.
Етĕрнере йĕркелĕх хуралĕн тилхепине Станислав Андреев тытнă. Вăл шалти ĕçсен органĕсенчи службăра 1993 çултанпа, пуçлăх должноçне уйăрса лартиччен ЧР ШĔМĕн коррупци сĕмĕллĕ преступленисемпе кĕрешекен пайĕн уйрăмах пĕлтерĕшлĕ ĕçсемпе ĕçлекен оперуполномоченнăйĕ пулнă.
Вырăнти судăн Çĕрпÿ район администрацийĕн пуçлăхĕн пĕрремĕш çумĕ пулнă Денис Николаев тĕлĕшпе палăртнă приговорĕ вăя кĕчĕ.
Чăвашла верси
Русская версия
