Хресчен сасси

Çак эрне физкультурăпа спорт аталанăвĕн историйĕнче яланлăхах ылтăн паллăпа çырăнса юлĕ. Нарăсăн 7-мĕшĕнче Сочире хĕллехи XXII Олимп вăййисем пуçланаççĕ. Тĕнчипе паллă пулăма халалласа Вăрнарти Спорт керменĕнче кире пуканĕ йăтассипе Чăваш Республикин Патшалăх Канашĕн Председателĕн, Раççей Федерацийĕн спорт мастерĕн Юрий Поповăн парнисене çĕнсе илессишĕн республикăри виççĕмĕш уçă турнир иртрĕ.

ЧР ял хуçалăх министрне Сергей Павлова Красноармейскинче пурăнакансем çĕр улмине халалласа Чăваш Енре палăк лартма сĕннĕ. «Хаяр вăрçă тата ун хыççăнхи çулсенче çак пахча çимĕç чылай çынна вилĕмрен çăлнă», – тенĕ вĕсем. Паллах, министр тÿрех хурав парайман. Ку ыйтăва регионсен хушшинчи «Çĕр улми – 2014» куравра пăхса тухма палăртнă. Вăл кăçал нарăс уйăхĕн 20-21-мĕшĕсенче иртет.

Туратран хунав ĕрчетмешкĕн алоэ сĕткенĕ пулăшать тенине илтнĕ. Мĕнле майпа-ши?

Алина Карпова. Куславкка.

Ку чăн та çапла. Виçĕ çултан кая мар ÿснĕ алоэ çулçине касиччен пĕр эрне пач та шăвармалла мар. Кайран темиçе çулçине касмалла, хутпа чĕркесе 2 эрнелĕхе сивĕтмĕше (холодильника) хумалла. Çакăн хыççăн алоэ сĕткенне пăчăртаса кăлараççĕ те унта тымарлантармалли турат вĕçне чикеççĕ, 10-12 сехет тытнă хыççăн çĕр ăшне куçарса лартаççĕ.

Хаклă редакци. Сирĕн хаçата тухма пуçланă кунранах çырăнса илетĕп, тимлесех вулатăп. Эпĕ çамрăк мар ĕнтĕ. 77 çула кайрăм. Сулахай куç хупанки хупăнса пыни канăç памасть. Куçĕ ыратмасть-ха, куççулĕ те юхмасть. Тухтăрсем тĕрĕсленĕ хыççăн çырса панă эмеле те ярса пăхрăм – усси çук. Пăсман-ши тесе те шухăшлатăп. Аптранă енне çыртăм, каçарăр ĕнтĕ.

Тамара Иванова. Канаш районĕ, Анаткас Кипеч.

Вăрăм çула тухиччен чиркĕве кĕрсе çурта çутать вăл. Чипер-йĕркеллĕ çаврăнса килесчĕ, хĕрĕме ура çине тăратасчĕ тесе кĕлтăвать. Кама шанăн ĕнтĕ? Икĕ çул каялла мăшăрне пытарчĕ. Хĕрĕ кăçал шкултан вĕренсе тухать. Малашне укçа тата ытларах кирлĕ пулĕ. Ирĕксĕрех инçе çула тухма тивет. Чĕлхе вĕçне вара ялан тенĕ пек çак сăмахсем килеççĕ:

Pages

Subscribe to Хресчен сасси