Çамрăксен хаçачĕ

Кăçал чăвашла юрлакан ачасен «Мехел» конкурсĕ саккăрмĕш хут пулчĕ. Республика шайĕнче иртекенскерĕн сумĕ çулран-çул ÿснине конкурсçăсен йышĕ пысăкланни кăтартать.

ЧР Çамрăксен экологи дружинин членĕсем Республика Пуçлăхĕн стипендине çулленех тивĕçеççĕ. Çут çанталăк тасалăхĕшĕн, тавралăх илемĕшĕн хыпса çунакансемшĕн экологи ыйтăвĕсем никамринчен çывăх. Вĕсем çырма-çатра çÿп-çаппа тулнăшăн та, çамрăк ăру ешĕлле шухăшлама вĕренсе çитейменшĕн те кулянаççĕ.

Совет салтакĕсем фашистла нимĕçсене парăнтарнăранпа 69 çул çитрĕ. Шел, тăшманпа куçа-куçăн тăрса çапăçнисенчен чылайăшĕ Аслă Çĕнтерĕве кĕтсе илеймен. Выçăллă-тутăллă пурăнса фронта епле пулсан та пулăшма ăнтăлнă теприсем. Вĕсенчен те кашниех 1945 çулхи çу уйăхĕн 9-мĕшĕччен пурăнса çитеймен. «Кашнин хăйĕн шăпи», - тетпĕр-ха.

«Вилĕмсĕр полк» акци çĕр-шыври вун-вун хулара йĕркеленет. Унăн тĕллевĕ - Раççейри кашни çемьене Тăван çĕр-шывăн Аслă вăрçин паттăрĕсене асра тытма чĕнсе каласси. Пархатарлă çак акцие чи малтан Томскра ирттернĕ. Фронтра çапăçнă тата тылра ырми-канми ĕçленĕ çынсен сăн ÿкерчĕкĕсене çу уйăхĕн 9-мĕшĕнче 2 пин çын йăтса утнă.

Тăватă çул пынă Тăван çĕр-шывăн Аслă вăрçи аслă ăру асĕнчен тухмĕ. Чи йывăр тапхăра тÿссе ирттернисем 1945 çулхи çу уйăхĕн 9-мĕшне те манмаççĕ, мĕншĕн тесен вăл - чи кĕтнĕ кун, Аслă Çĕнтерÿ уявĕ. Эппин, Совет Союзĕн çĕрĕ çинчен тăшмана тасатнă, тăнăç пурнăç пуçланнă. Аслă Çĕнтерĕве пĕрисем - вăрçă хирĕнче, теприсем тылра кĕтсе илнĕ. Ун чухне ача-пăча çеç е çамрăк пулнă, халĕ вара «асатте-кукаçи», «асанне-кукамай» тесе чĕннине илтекенскерсен асĕнче çав кун мĕнлерех çырăнса юлнă-ха?

Pages

Subscribe to Çамрăксен хаçачĕ