Алена СЕРГЕЕВА - сцена çинчи ят. Çак чиперкке юрăçăн паспортри ячĕ - Елена. Асламăшĕ Андриян Николаев космонавтăн хĕрĕн ятне питĕ юратнипех мăнукне ытарлăн Алена тесе чĕнме пуçланă. Ватă çын сăмахĕ тăватă çын сăмахĕ пулнăран-ши ăна паян пурте - амăшĕнчен пуçласа тусĕсем таранах - савса Алена теççĕ.
Фашистсен тискерлĕхĕ, çапăçури пирĕн салтаксен паттăрлăхĕ кинофильмсенче, кĕнекесенче ĕмĕрлĕхех çырăнса юлчĕ. Аллине туя тытнă е хăшĕ-пĕри килĕнчен те тухса çÿреймен ветерансемпе юнашар ларса Тăван çĕршывăн Аслă вăрçин йывăр çулĕсене аса илсе калаçмашкăн та пирĕншĕн пысăк чыс. Хаяр вăрçăпа пĕр килнĕ шăпине куç умне тепĕр хут кăларма ыйтмашкăн кăмăла хытарса Шупашкарта тĕпленнĕ Евгений Тимофеевичпа Лидия Михайловна Скворцовсен хваттерĕн алăкĕнчен шаккарăм. Татăк çăкăра 50 çул ытла пĕрле пайлаççĕ вĕсем.
Федот Никитич Орлов... Совет Союзĕн Геройĕ, летчик. Унăн пурнăçĕпе паттăрлăхĕ çинчен Аркадий Ĕçхĕл çырнă "Ăмăрткайăк" поэмăна, хăй аса илсе хайланă "Юрататăп Тăван çĕршыва" кĕнекене эпĕ шкулта вĕреннĕ вăхăтрах вуланăччĕ. Каярахпа Василий Эктелĕн "Пархатар" романĕпе паллашрăм. Халĕ, чăвашсен мухтавлă арĕ çинчен хаçатра çырма хатĕрленнĕ май, вĕсене алла тепĕр хут тытрăм. Ача чухнех пуçа пăраланă ĕмĕтсем - паттăрăн тăван ялне çитсе тата вăл пурăннă çурт-хваттере кĕрсе курасси - тинех пурнăçланчĕç.
 |
 |
|
Мария Самделова, 19 çулта. Патăрьел районĕнчи Шăхач ялĕнче çуралса ÿснĕскер И.Н.Ульянов ячĕллĕ ЧПУра вĕренет. Спортпа та туслă вăл, сăвăсем те хайлать. Чăвашлăхшăн хыпса çунать. |
Ольга Никитина, 16 çулта. Елчĕк районĕнчи Ĕнел ялĕн пики Елчĕк вăтам шкулĕнче 10-мĕш класра ăс пухать. |
Шупашкарта пурăнакан Анна Мокрова шухăшĕпе, пултарулăхпа ăсталăх Турă панă талант мар, кашни çын ăна хăй аталантарать. Ӳнер училищинче ăс пухаканскерĕн ĕçĕсене курсанах савăннипе чĕрем хĕпĕртерĕ, кăмăл-туйăм хăпартланчĕ. 1-мĕш курс студентки тĕрлĕ енлĕн аталанма тăрăшать.
Чăвашла верси
Русская версия
