Экстремизм - шÿт мар

Хăшĕсемшĕн çакнашкалли шÿт пек кăна туйăнать пуль. Анчах Интернетри кунашкал çăмăлттайлăх уголовлă ĕçпе çаврăнса тухасси те часах. 27 çулти çамрăк çынпа шăпах çапла пулса тухнă.

Ăна, вырăнти общество пĕр-лешĕвĕсенчен пĕрин ертÿçине, УК 282 статйин 1-мĕш пайĕпе /курайманлăх е тăшманлăх çуратас, çавăн пекех национальноç паллисене кура çынсен ушкăнĕн чысне варалас тĕллевлĕ ĕçсем/ айăплаççĕ. Следстви комитечĕн Шупашкарти Мускав районĕнчи пайĕ уголовлă ĕçе тĕпчесе пĕтернĕ ĕнтĕ, преступление ЧР ШĔМĕн экстремизмпа кĕрешекен центрĕпе пĕрле тăрă шыв çине кăларнă.

Çамрăк çын Интернетри социаллă сетьре сканерланă документа вырнаçтарнă. Ăна хăй ертсе пыракан общество пĕрлешĕвне çĕнĕрен йĕркеленин пухăвĕн протоколĕ тесе палăртнă. Шăпах çав документра çырнинче полици нацисен хушшинче курайманлăх çуратма тăнине тупса палăртнă.

Д.НИКОДИМОВ.