Комментари хушас

Владислав Поляшов Тĕнче кубокĕн Доха хулинче иртекен черетлĕ тапхăрĕнче кĕмĕл медаль çĕнсе илнĕ.

Бакури ăмăртура çĕнтернĕ хыççăн чăваш гимнасчĕ черетлĕ тупăшăва çул тытнă. Катар çĕршывĕнче пушăн 20-23-мĕшĕсенче иртнĕ вăл. Раççей пĕрлештернĕ команди йышĕнчи чăваш каччи çĕр чăмăрĕн чи вăйлă гимнасчĕсемпе тупăшма пултарнă. Юнашар хунă каштасем çинче пултарулăхне кăтартса вăл Китай гимнастне çеç çитеймен.

Çакна та палăртмалла: çĕнĕ йĕрке тăрăх, ку ăмăрту Токиора 2020 çулта иртекен Олимпиадăна хутшăнма квалификаци ирттерессин пайĕ пулса тăрать. Икĕ наградăна тивĕçнĕ Владислав лицензи илме тивĕç пулатех.

www.hypar.ru

Татьяна НАУМОВА.