Комментари хушас

Аслă çĕнтерÿ 73 çул çитнине халалласа Самар хулинче Пĕтĕм тĕнчери çарпа патриот конкурсĕ пулнă. «Тăван çĕршывăн ывăлĕсемпе хĕрĕсем» ятлăскер 3-мĕш хут иртет. Конкурсра Шупашкарти 47-мĕш шкул ачисем те хутшăннă.

Вĕсем куракансен умне илемлĕ ташăпа тата юрăпа тухнă. 6-мĕш класс вĕренекенĕсем 1 кĕмĕл тата 3 бронза медале тивĕçнĕ: «Патриотла воспитанин ташă йăлисем» юхăмра шкул ачисем «Сарă хĕр» ташăпа 12 команда хушшинче 2-мĕш вырăн йышăннă. «Патриотла ташă» номинацире — «Кĕтмен вальс», «Халăх ташши» ушкăнра — «Тĕлĕнмелле лотос» ташăсемпе виççĕмĕш вырăна тухнă. «Вăрçăсăр тĕнче» юрăпа та бронза ордена тивĕçнĕ.

Конкурс вĕçленсен çавра сĕтел тата хореографипе ăсталăх класĕсем пулчĕç.

 

Валентина ФЕДОРОВА. Сар.ru порталти сăн ÿкерчĕк.

Исключить из Яндекс-Новостей: