Пĕр çемьери пек пурăнаççĕ

Апрельте Пĕтĕм Раççейри Куç курманнисен обществин Чăваш регион уйрăмне йĕркеленĕренпе 85 çул çитет. Обществăн вырăнти организацийĕ Куславкка районĕнче те ĕçлет. Вăл çак тăрăхри 25 ял-хулари тата Вăрмар районĕнчи 37 ялти 175 çынна пĕрлештерсе тăрать, çав йышра инвалидсем - 157-ĕн.

Организацие Чăваш Республикин халăхăн социаллă пулăшăвĕн тава тивĕçлĕ ĕçченĕ Е.Морева 1992 çултанпа ертсе пырать. Çак тапхăрта инвалидсемпе ĕçлесси уншăн пурнăçĕн тĕп тĕллевĕ пулса тăнă.

- Куç курманнисен куллен тухса тăракан çивĕч ыйтăвĕсенчен общество пăрăнманни пире чăннипех те савăнтарать, - тет Елена Александровна. - Районпа хула администрацийĕсен, Пенси фончĕн, Халăха ĕçпе тивĕçтерекен центрăн, халăхăн социаллă хÿтлĕх пайĕн, районсенчи вулавăш, республикăри ятарлă вулавăш ĕçченĕсемпе, тухтăрĕсемпе, культура ĕçченĕсемпе тăтăшах тĕлпулусем йĕркелетпĕр. Пире вĕсем яланах сĕнÿ-канашпа пулăшаççĕ. Малалла вулас...