В.ВАЛЕНТИНОВ

«Пĕлтĕр Санкт-Петербургри пĕтĕм тĕнчери экономика форумĕнче çĕршыв Президенчĕ Владимир Путин Чăваш Ене бизнеса тытса пымалли чи лайăх регионсен шутĕнче асăнчĕ. Республика Раççей Федерацийĕн субъекчĕсенчи инвестици климачĕн тăрăмне палăртакан Наци рейтингĕнче 9-мĕш вырăн йышăнчĕ», — терĕ Чăваш Ен Пуçлăхĕ Михаил Игнатьев кăçалхи кăрлач уйăхĕнче Патшалăх Канашне янă Çырура. Кăçал рейтинг кăтартăвĕ татах лайăхланнă: Чăваш Ен 6-мĕш вырăна хăпарнă. Унсăр пуçне республика РФ субъекчĕсен инноваци аталанăвĕн рейтингĕпе те, управлени ĕçĕнче çĕнĕлĕхсемпе усă курас енĕпе те Раççейĕн чи лайăх регионĕсенчен пĕри шутланать. Çитĕнÿсен вăрттăнлăхĕ мĕнре-ши? Çак тата ытти ыйтăва ЧР экономика аталанăвĕн, промышленноç тата суту-илÿ министрĕ Владимир Аврелькин хуравлать.

Канаш район администрацийĕн пуçлăхĕн заместителĕ Анатолий Егоров ку тăрăхра 70 яхăн хресчен-фермер хуçалăхĕ йĕркеленнине, иккĕ-виççĕмĕш пайĕ лайăхрах аталаннине çирĕплетрĕ. Малаллах талпăнакансем пурлăх никĕсĕ хывса грантсене тивĕçеççĕ, çĕнĕ фермăсем хута яраççĕ.

Канаш районĕнчи чĕрчун чирĕсемпе кĕрешекен станцире вăй хуракансем ырă ята тивĕçлĕ. Хастар коллектив çĕршыв тĕп хулинчи “Ылтăн кĕркунне” аграри форумне хутшăнса юлашки 3 çул умлă-хыçлă пысăк наградăсем çĕнсе илет.

Республикăра ку чухне 3 пин ытла строительство организацине шута илнĕ. Вĕсенче 29 пин çын вăй хурать. Çав шутра 22 пинĕшĕ çурт-йĕр хăпартать, ытти материалпа тивĕçтерет.

Юпа уйăхĕн 5-9-мĕшĕсенче çĕршывăн тĕп хулинчи Халăх хуçалăхĕн çитĕнĕвĕсен куравĕнче «Ылтăн кĕркунне - 2016» выставка иртнĕ. Ăна Раççей агропромышленноç ÿсĕмне халалланă.

Форумра РФ Правительствин Председателĕ Дмитрий Медведев агропромышленноçа кăçал пĕлтĕрхинчен кая мар пулăшасса пĕлтернĕ.

Pages

Subscribe to В.ВАЛЕНТИНОВ