Ольга ПОТАПОВА

Ашшĕ хăйне, «Эх, мĕншĕн ывăл пулман-ши эсĕ?» - тени Галина Семеновнăн асĕнчен халĕ те тухмасть. Пĕчĕк чухнех вăр-вар та лара-тăра пĕлмен ачаччĕ вăл. «Класра улттăн вĕренеттĕмĕр, пилĕк арçын ача хушшинче - пĕр хĕр ача. Вĕсене кура хăюллă пулма, йывăрлăха çĕнтерме хăнăхса çитĕнтĕм, - сăмах çăмхине сÿтет вăл. - Пăчкă-пуртă та алăран кайман. Пÿрнесенчи суран çĕвви - çав вăхăт палли».