Энергетиксем ачасен ĕмĕчĕсене пурнăçлаççĕ
Чăваш энергосбыт компанийĕ /Трансэнергопром компанисен ушкăнĕ/ экологи акцийĕсем, социаллă акцисем йĕркелесси йăлана кĕчĕ ĕнтĕ. Çав шутра — тимлĕх кирлĕ ачасене пулăшасси. Вĕсем, ачасем, Çĕнĕ çула пушшех чăтăмсăррăн кĕтеççĕ. Çак уявра чи пысăк ĕмĕтсем пурнăçланаççĕ вĕт. Çĕнĕ çул умĕн ашшĕ-амăшĕн ăшшисĕр юлнă ачасен Çĕмĕрлери, Пăрачкаври тата Шупашкарти центрĕсенчи ачасем парнесем илчĕç, унсăр пуçне Çĕмĕрлери центрта Çĕнĕ çул уявĕ иртрĕ.