Министрсен Кабинечĕ юнкун ЧР Пуçлăхĕ Олег Николаев ертсе пынипе иртнĕ ларура ҫивӗч ыйтусене сӳтсе яврӗ. Укçапа çыхăннă хыпарсенчен пӗри — культурăпа искусство сферинчи инноваци проекчĕсене грантсемпе хавхалантарма йышăнни.
«Росатомăн» пилот проекчĕпе килĕшӳллĕн пуçарнă ĕç Чăваш Енре темиçе çул пурнăçланать ĕнтĕ. Курăмлă кăтартусем пур.
Çак мерпоприятисем 500 пин çын-сехет перекетлеме май панă та ĕнтĕ. Кун пирки экономика аталанăвĕн министрĕ Дмитрий Краснов Министрсен Кабинечӗн паянхи ларӑвӗнче влаç органĕсенчи, вĕсене пăхăнакан тытăмсенчи перекетлĕ управлени проектне пурнăçлас ыйтупа калаҫнӑ май сӑмах хускатрӗ.
Аграрисемшĕн кăмăллă хыпарсем пур. Вӗсемпе ял хуçалăх министрĕн тивĕçĕсене пурнăçлакан Сергей Фролов Министрсен Кабинечӗн паянхи ларӑвӗнче пĕлтерчĕ.
Пĕрремĕшĕнчен, хăйсем тĕллĕн ĕçлекенсем пулса регистрациленнĕ килти хушма хуçалăхсене те субсидисемпе пулăшĕç. Республика тата федераци бюджечĕсенчен пĕтĕмпе 5 миллион тенкĕ уйăрнă — пулăшу пулĕ. Иккĕмĕшĕнчен, тĕш тырă туса илнĕшĕн тӳлекен субсидие малашне мĕн пур йышши урпашăн парĕç. Хальччен ăна выльӑх апачĕ валли усă кураканнишĕн кăна тӳленĕ.
Юнкун ЧР Пуçлăхĕ Олег Николаев ертсе пынипе иртнĕ ларура Правительство патшалăхăн икĕ программине тата Министрсен Кабинечĕн теçетке ытла йышăнăвне улшăнусем кĕртессине ырларĕ.
ЧР Пуçлăхĕ Олег Николаев тунтикун ирттернĕ канашлура районсен центрĕсен комплекслă аталанăвĕн ыйтăвне тишкерчĕç — Хĕрлĕ Чутай тĕслĕхĕ çинче. Строительство министрĕ Павел Данилов каланă тăрăх, тĕллев — ялсенчи пурнăç условийĕсене те хулари пек тăвасси. Çак тĕллеве, Олег Николаев шучĕпе, комлекслă майпа аталантарса кăна пурнăçлама май пур. Вăл кашни райцентр лару-тăрăвне тĕплĕ тишкермеллине палăртрĕ. Çак тĕпчев пĕтĕмлетĕвне тишкерсе уçăмлă плансем хатĕрлемелле, вĕсене пурнăçлас енĕпе ĕçлеме пуçламалла.