«Хыпарăн» пĕрремĕш номерех чикĕ урлă каçнă
Николай Никольский çуралнăранпа паян 142 çул çитрĕ. Çулленех çак кун тăван кĕтесĕнче — Муркаш районĕнчи Купăрляра, Сосновка шкулĕнче, Николай Никольскин Ваçкассинчи музейĕнче, Шупашкарти Н.В.Никольский ячĕллĕ професси колледжĕнче тĕрлĕ тĕлпулу-конференци иртетчĕ. Кăçал ун пекех пулмарĕ, тĕнчере, çĕршывра, çавăн пекех Чăваш Енре те, коронавирус инфекцийĕ алхаснине кура ушкăнпа пухăнмалли мероприятисем йĕркелемĕç.