К.НИКОЛАЕВ

25 Раштав, 2014

«Çын мĕн калĕ» ăнлава çухатсан часах тухăн чыссăра

Следстви комитечĕн Шупашкарти пайĕ Чăваш патшалăх педагогика университечĕн пурлăх енĕпе аталанас тата пĕтĕмĕшле ыйтусем енĕпе ĕçлекен проректорĕпе тĕп бухгалтерĕ тĕлĕшпе пуçарнă уголовлă ĕçе тĕпчесе пĕтернĕ. Вĕсене должноç полномочийĕсемпе киревсĕр тĕллевпе усă курнăшăн тата служба вырăнĕпе усă курса улталанăшăн айăплаççĕ.

16 Раштав, 2014

Галабурда айăпне йышăннă

Шупашкар районĕн сучĕ «Акашевская» кайăк-кĕшĕк фабрики» ОООн уйрăм «Атлашевская» подразделенийĕн управляющийĕ Вадим Галабурда тĕлĕшпе приговор палăртнă. Ăна налук тÿлемелли укçана пытарса хăварнăшăн УК 199.2 статйипе айăпланă.

Тĕпчев çирĕплетнĕ тăрăх - «Атлашевская» кайăк-кĕшĕк фабрики» агрофирма» ОООн ĕç тăвакан директорĕнче ĕçленĕ май Галабурда предприятин пĕтĕм финанспа хуçалăх ĕç-хĕлне ертсе пынă. Пĕлтĕрхи май уйăхĕн вĕçĕнчен тытăнса 2014 çул пуçламăшĕччен вăл предприятин налук парăмĕсене шыраса илмелли укçине, пĕтĕмпе 51 млн яхăн тенке, пытарнине çирĕплетнĕ.

11 Раштав, 2014

Хирти вăрттăн вил тăпри

Кăçалхи октябрьте Çĕнĕ Шупашкар хулин право хуралĕн органĕсенчен çамрăк хĕрарăм пулăшу ыйтнă: 27 çулти упăшки çухалнă иккен. Ăна арăмĕ октябрĕн 7-мĕшĕнче юлашки хут курнă, унтанпа пĕр сас-хура та çук...

9 Раштав, 2014

Налуксем: ÿсĕм пур!

Чăваш Енре кăçалхи 11 уйăхра мĕнпур шайри бюджетсене налук органĕсем администрацилекен тÿлевсене 31,7 млрд тенкĕ пухнă. Пĕлтĕрхи çак тапхăртипе танлаштарсан - 102,2%.

Федерацин налук службин республикăри управленийĕнчен пĕлтернĕ тăрăх - асăннă виçере хушма хакран /30,6%/, уйрăм çынсен тупăшĕнчен /29,2%/, усламран /15,1%/, пурлăхшăн /12,5%/ илекен налуксен тÿпи курăмлă. Акцизсен пайĕ пысăк тееймĕн - 5,5%.

4 Раштав, 2014

Проектсем ачасемпе çамрăксене çунат сарма пулăшаççĕ

Çак кунсенче РФ Президенчĕн федерацин Атăлçи округĕнчи полномочиллĕ представителĕ Михаил Бабич округри Граждан обществин институчĕсене аталантарма пулăшакан фонд канашĕн ларăвне ирттернĕ. Унта округра çамрăксене патриотизм тата кăмăл-сипетпе ăс-хакăл енĕпе воспитани парас тĕллевлĕ проектсене мĕнле пурнăçланине пĕтĕмлетнĕ.

Pages