Григорий ВАСИЛЬЕВ. Cap.ru порталти сăн ÿкерчĕк.

Паян Чăваш патшалăх филармони çуртĕнче Строитель кунне халалланă уяв иртрĕ. Савăнăçлă мероприятие Чăваш Ен Пуçлăхĕ Михаил Игнатьев хутшăнчĕ. Михаил Игнатьев республикăри строительство отраслĕнче вăй хуракансене тата ветерансене уяв ячĕпе саламларĕ, строитель профессийĕ ку чухне уйрăмах пĕлтерĕшлĕ пулнине, Правительство отрасле ăнăçлă аталанма пур майпа та тивĕçтерме тăрăшнине палăртрĕ.