Паян çамрăксемпе студентсен Пĕтĕм тĕнчери фестивальне хутшăнакан хĕр-упраçпа яш-кĕрĕм çула тухрĕ. Юпа уйăхĕн 15-мĕшĕнче Сочири Пысăк пăр керменĕнче старт илекен мероприятие 180 çĕршыври 20 пин ытла çын пухăнĕ.
Чăваш Республикин аял енчи чиккинче вырнаçнă Шăмăршă тăрăхĕ ытарайми хитре тавралăхĕпе илĕртет. Талккишпе сарăлса ларакан вăрман-ката район пуянлăхĕпе мăнаçлăхĕ пулса тăнă. Шăмăршă районĕ йĕркеленнĕренпе кăçал 90 çул çитрĕ. Çак кунсенче Шăмăршăсем район юбилейне паллă тума канупа спорт паркне пухăнчĕç.
Шупашкарти интернат шкулта вĕренекен Света Михайлова ачаранпах япăх курать. Апла пулин те вăл пурнăç йывăрлăхĕсене парăнтарса яланах савăнма тăрăшать. Хĕрĕн пушă вăхăт çукпа пĕрех: уроксем хыççăн вăл спорт секцине васкать. 7 çултах спортпа туслашнă хĕрĕн пухмачĕнче паян — вун-вун медаль. 15-ри атлет Зоя Егорова вĕрентекен пулăшнипе спортра пысăк çитĕнÿсем тăвать.
Чăвашла верси
Русская версия
