Archive - 2017 - Хресчен сасси

сентября 20th

20 Sep, 2017

Хĕрарăм — кил ăшши

«Кунта ялти чи ĕçчен те тирпейлĕ çемье пурăнать», — пĕлтерчĕç Сĕнтĕрвăрри районĕнчи Сĕнтĕрпуçсем эпĕ чăх-чĕп вĕçсе каçайми çÿллĕ те эрешлĕ хапхана тĕлĕнсе сăнанине асăрхасан. Мана кĕтсе илме çамрăк хĕрарăм тухрĕ. «Атте садрах», — тесе Марина улма-çырла шăршипе тулнă пахчана илсе кĕчĕ.

Чи ĕçчен çемье

20 Sep, 2017

Паян ял çыннин кĕнеке вулама вăхăт пур–и?

Интернетпа усă курма меллĕ, мĕншĕн тесен вăл кирек мĕнле ыйтăвăн хуравне те тупса парать. Унсăр пуçне литература произведенийĕсене те вырнаçтарнă унта. Хăшĕ лайăх: интернет е библиотекăра упранакан кĕнеке? Пĕр пек хурав пулмĕ. Кашниех хăй тĕрĕс тесе шухăшлать. Çапах паян библиотека хăйĕн пĕлтерĕшне çухатман-ха, вăл мĕнле шайра пулни пирĕн интеллект шайне тĕкĕр çинчи пек çутатса тăрать.

20 Sep, 2017

Вутпа пĕтереймен ăна тăшман…

Валентина Петровăн «Хресчен сасси» хаçатăн 34-мĕш номерĕнче пичетленнĕ «Чăваш, хăв чĕлхÿне упра!» статйине вуласан алла ручка тытмасăр чăтаймарăм. Тăван чĕлхе ыйтăвĕ хальхи вăхăтра çивĕч пулнине кашниех ăнланать пулĕ.

Чăваш чĕлхи — чи авалхи тĕрĕк чĕлхисенчен пĕри. Унта ытти тĕрĕк чĕлхинче сыхланса юлман е тĕл пулман сăмахсем пуррине палăртаççĕ тĕпчевçĕсем. Кун пек сăмахсем вара тĕрĕк чĕлхисен историне пĕлме чылай пулăшаççĕ.

20 Sep, 2017

Абхазие кайни пурнăçа улăштарчĕ

Таса, пысăк шалуллă вырăнта тăрăшнă çамрăк сасартăк фермер ĕçне кÿлĕнни нумайăшне тĕлĕнтернĕ. Кăçал Андрей Григорьев «Фермер ĕçне пуçăнакан» программăна хутшăнса грант илме тивĕçнĕ. Апла ял хуçалăхне вăхăтлăха килмен вăл.

сентября 13th

13 Sep, 2017

Киччĕ старости

Кам вăл — староста? Ял тăнăçлăхне, йĕркене, сăн-сăпачĕпе тирпей-илемне тытса тăракан чи хисеплĕ çын. Тăвай районĕнчи Киччĕре пурăнакан Василий Волков çакна никамран лайăх пĕлет. Сакăр теçетке çулалла кармашать пулин те ялта староста тивĕçĕсене пурнăçлать. Василий Николаевич яваплă çак ĕçре 2007 çултанпах тар тăкать.

13 Sep, 2017

«Чунлă» пуканесем

Çакнашкал хитре пуканесем ăсталать Патăрьел районĕнчи Сăкăт ялĕнче пурăнакан Федор Артамонов. Çичĕ теçетке çула çывхараканăн аллинче ĕç вĕрет. Вутă пуленки пуканене çаврăнать.

13 Sep, 2017

Ачасем пурри ылтăнран паха

— Ĕмĕр ĕмĕрлесси уй урлă каçасси мар, — терĕ Супар ялĕнче пурăнакан Александра Григорьева. — Тăхăр теçетке çул хушшинче мĕн кăна курма тивмерĕ пулĕ. Мăшăрпа тунă çуртра паян пĕчченех пурăнатăп.

13 Sep, 2017

«Çĕре юхăнтармарăм»

Шăпăртатса çумăр çăвать. Асфальт сарнă территорире хура пленкăпа витнĕ тырă куписем выртаççĕ. Сушилка пĕр чарăнми кĕрлет, чĕр тавар типĕтет. Вăл нÿрĕ пулнăран самай тăкакланма тивет. Складра вара ĕç вĕресе тăрать. Çынсем типĕтнĕ «сарă ылтăна» сортласа сутма хатĕрлеççĕ.

— Управсем сирĕн «сарă ылтăнпа» тулнă. Кун чухлĕ тырра ăçта вырнаçтаратăр?

сентября 7th

Pages