Archive - 2017 - Хресчен сасси

* Соцпакет е укçа?

* Чăрмантарнă-ши?

Уйăхри укçа тÿлевĕпе çыхăннă ыйтăва халĕ Пенси фончĕн сайтĕнчи «Гражданинăн уйрăм кабинетĕнче» йĕркелеме пулать. Çăмăллăхçăсен электронлă мелпе заявлени пама май пур. Унта социаллă пулăшу пуххипе усă курассине е ун вырăнне укçа илессине кăтартмалла çеç.

Ватă çын вăй питтисене чăрмантарать-ши, ăна кÿрентерме, унран хăпма тăрăшни сисĕнет час-часах. Хăйсем ватăлмастпăр теççĕ пулас.

Кăçалхи çĕртме уйăхĕнче Шупашкар районĕнчи Тавăшкассинче пĕр хуçалăхра 70 çулти хĕрарăм виллине асăрханă. Ăна тискеррĕн хĕнени, вăл йывăр сурана пула пурнăçран уйрăлни тÿрех курăннă. Йĕрке хуралçисем ĕçе тĕпченĕ май айăплине тупса палăртнă. Кинемей пурнăçне татаканĕ 55 çулти арçын иккен.

Пурнăç урапи пĕр вырăнта тăмасть, шав малаллах кусать. Паян ялта та хуларинчен кая мар: асфальт çул, çут çанталăк газĕ, шыв та пÿрте пăрăхпа юхса кĕрет. Ял сăн-сăпачĕ палăрмаллах улшăнчĕ: суту-илÿ çурчĕсем, общество обĕекчĕсем пĕрин хыççăн тепри çĕкленеççĕ. Юлашки вăхăтра çĕнĕ фельдшерпа акушер пункчĕсем те ялсене илем кÿме тытăнчĕç. Çынсене канма кăна мар, сипленме те условисем лайăхланса пыраççĕ. Акă пĕлтĕр Чăваш Енре 527 ФАП ĕçленĕ. Кăçал 16 районта вăл тепĕр 25 хушăнмалла. Виçĕ çулта кивелнĕ 75 сиплев çурчĕ вырăнне çĕннисем çĕкленмелле.

Галина Илларионова-Сергеева Алманч ял тăрăхне кĕрекен Вăрманкасра пурăнать. Сакăр теçетке çула çывхарать пулин те вашават, хастар. Мăшăрĕ çĕре кĕнĕренпе кĕçех çирĕм пилĕк çул çитет.

* Пенси ÿсме пултарать

* Вулакан патне — пĕр кун маларах

Ача çуратса ÿстернĕ амăшĕсене, уйрăмах тивĕçлĕ канăва тухнисене, ачисене пĕчĕк чухне пăхнă тапхăршăн пенсие çĕнĕрен шутласа параççĕ. Анчах та камăн пенсийĕ ÿсме пултарать, камăн вара — çук.

Малтанхи çулсенче пенси виçине палăртнă чухне ачана çулталăк çурăна çитиччен пăхнă тапхăра стажа кĕртнĕ. Халĕ çав вăхăта пенси балне те куçарма май килет.

Вăхăт пĕр шелсĕр шăвать. Тин кăна Çĕнĕ çула кĕтсе илтĕмĕр, халĕ вара 2017 çулăн иккĕмĕш çур çулне ярса пусатпăр. Çавна май пирĕн йыша çĕнĕрен хутшăннă вулакансем те пурах ĕнтĕ. Тавах сире, пирĕнпе пĕрле пулнишĕн, «Хресчен сасси» хаçата çырăнса илнишĕн.

еспублика кунĕ умĕн ЧР Министрсен Кабинечĕн Председателĕн заместителĕ — ял хуçалăх министрĕ Сергей Артамонов Тăвай, Патăрьел районĕсенче ĕçлĕ çул çÿревпе пулчĕ, çĕнĕ обĕектсем хута яма хутшăнчĕ.

Тупăша ÿстерме