Archive - Jul 2014 - Хресчен сасси

июля 9th

Елчĕк районĕнчи Тÿскел ялĕнче пурăнакан Анна Паймина çак кунсенче 100 çул тултарнă. Ăна сумлă юбилейпе саламлама ял-йыш, тус-тăванĕ чылай пуçтарăннă. Анна Архиповнăна РФ Президенчĕ Владимир Путин янă саламлă çырупа паллаштарнă.

Валентина ПЕТРОВА

Çĕр çинче пурăнакан миллиона яхăн хурт-кăпшанкăран çыншăн чи усăлли – пыл хурчĕ. Вăл этеме тĕлĕнмелле чаплă, тĕрлĕ чир-чĕртен сыватакан, тутлă пыл парать.

Çĕр çинчи пур халăх та пылăн сиплĕ паллисене ĕлĕкренех пĕлет. Унпа медицинăра анлă усă кураççĕ. Пĕр кашăк пыл – пĕр тумлам сывлăх. Вăл ватти-вĕттишĕн тутлă эмел шутланать, вăй кĕртет, организма чир-чĕртен хÿтĕленме пулăшать. Яппун халăхĕ калашне пыл вăл – çут çанталăк çимĕçĕсен патши.

Валентина ПЕТРОВА

Раççей тĕш тыррине нумай туянакан патшалăхсенчен чи малтанах Турципе Египета асăнаççĕ. Импорт шайне вĕсем юлашки икĕ çулта чылай ÿстернĕ. Çакăн çинчен Пĕтĕм тĕнчери "Тырă рынокĕ – ĕнер, паян, ыран" конференцире Раççей Федерацийĕн "Про Зерно" компанийĕн тĕп директорĕ Владимир Петриченко пĕлтернĕ.

июля 4th

Ача ураланиччен сăпкара е амăшĕ çумĕнче мăшлатса çывăрни чи телейлĕ самант-тăр. Пепке «тяппа» туянсанах ашшĕ-амăшĕн канлĕх çухалать. Тĕнчене ăнкарса пыракан пурне те тишкерме хăтланать. Тепĕр чух шăпăрлана чарса е курса ĕлкĕрме те çук. Йĕри-таврари мĕн пур япалана сăнаканскер пур çĕре те капашать-çке.

Елена Николаева

Хура хурлăхан çырли аскорбин кислотипе, витаминпа, сахăрпа пуян. Цинга, юн, ревматизм чирĕсем чухне те хурлăхан çырли çиме сĕнеççĕ.

Вăраха кайнă тонзиллит, ангина, ларнингит, фарингит чухне шывпа хутăштарнă хурлăхан сĕткенĕпе (1:1) çăвара чÿхеççĕ.

Тăпăрчă шывĕ пахча çимĕçĕшĕн те усăллă тенине илтнĕ.

Çапла, усăллă. Помидор тĕмĕсене фитофтороз çулăхасран 10 л шыва 1 л тăпăрчă шывĕ хушса сапаççĕ. Çакнашкал шыва 10 тумлам йод тата микроэлементсен пуххине хушсан ытти пахча çимĕçе те (хăяр, кабачок, кавăн) сирпĕтме юрать. Пĕр вăхăтрах ку апатлантарни те, чир-чĕртен хÿтĕлени те пулать. Çу каçипе çапла виçĕ хут тусан аван пулмалла.

июля 2nd

Сĕнтĕрвăррисем часах Китай çыннисемпе çывăх туслашĕç. Çĕр ĕçченĕсем – пушшех те. Иртнĕ эрне вĕçĕнче Чăваш Ен Пуçлăхĕ Михаил Игнатьев Китай Халăх Республикин Сычуань провинцийĕн делегацийĕпе тĕл пулнă. Халăх хуçалăхĕн тĕрлĕ отраслĕнче пĕр-пĕринпе çыхăнса ĕçлесси çинчен калаçу пынă.

Нина АНДРЕЕВА

Иртнĕ ĕмĕрĕн 30-мĕш çулĕсенчех пирĕн тăрăхра арпус çитĕнтернĕ. Тăвай районĕнчи Тăрмăш ялĕнче пахча çимĕç бригади йĕркеленĕ. Ăна кÿршĕ ялти Енĕш Нăрвашри Тимофей Васильев ертсе пынă. Кăнтăр çимĕçĕсĕр пуçне ытти пахча çимĕç те ÿстернĕ ĕçченсем. Симĕс арчари хĕрлĕ тавар самай пысăк ÿснине пĕлтерет Михаил Яковлев.

Валентина ПЕТРОВА

"Йывăç хапхана улăштарасчĕ. Кама чĕнмелле-ши ĕç тума?" – текен ыйтупа пуç ватмаççĕ Канаш районĕнчи Вăрăмпуçсем. Кил хуçалăхĕнче кăмака е хулари пек камин купаламалла пулсан та çаплах. Тÿрех ял вĕçĕнче уй хĕрринче пурăнакан Мунчала Пети патне çул тытаççĕ. Унăн кил-çурчĕ тĕп урамран инçетерех пулсан та шыраса хăшкăлмастăн.

Ирина Никитина

Pages