Archive - Пуш 2017 - Хыпар

Пуш уйăхĕн 23-мĕшĕнче Чăваш Енри халăхсен ассамблейин хастарĕсем Комсомольски районĕнчи Урмаеле çитсе курчĕç. Канашпа Комсомольски районĕсен чиккинче хăнасене район ертÿçисемпе «Каçал» пултарулăх коллективĕ çăкăр-тăварпа кĕтсе илчĕç.

Саккун кăларакансем Шупашкарта тĕл пулса канашларĕç

ФАОри субъектсен патшалăх влаçĕн саккун кăларакан органĕсен ассоциацийĕн ларăвĕсенче парламентарисем яланах çивĕч ыйтусене пăхса тухаççĕ, халăхăн пурнăç пахалăхне лайăхлатмалли çул-йĕре тишкереççĕ. Шупашкарта иртнĕ эрнекун йĕркеленĕ ларура та вĕсем регионсем хăш пуçарусемпе федераци шайне тухма пултарнине сÿтсе яврĕç.

Юхăмсем вăй илеççĕ

Заводпа паллашассине хăнасем автомобильсене йышăнакан тарасаран пуçларĕç те — виçев площадкинче кĕпĕрленнĕскерсем тĕлĕшпе «Каяшсен управленийĕ» АХО гендиректорĕ Павел Бесшапов шÿтлесе те илчĕ: «Делегаци шăп та лăп виçĕ тонна таять». Пухăннисем шÿте ăнланчĕç — завод территорийĕпе малалла иртрĕç.

Мĕнле пурăнать Афганистан вăрçине хутшăннă медсестра?

Тăван çĕршыв хушнипе вăл Афганистан çĕрĕнче аманнă салтаксене икĕ çул ытла сипленĕ. Унтан таврăннăранпа нумай çул иртнĕ. Апла пулин те халĕ те чун-чĕринче патриотизм туйăмĕ тапса тăрать. Паян вăл çитĕнекен ăрăва тăван çĕре-шыва юратма вĕрентес ĕçе тÿпе хывать.

Чăваш Енри Общество палатинче Совет Союзĕн Геройĕ А.В.Кочетов ячĕллĕ кадет шкулне «Федерацин Атăлçи округĕн Чăваш Енри кадет корпусĕ» ят парассипе çыхăннă ыйтăва сÿтсе яврĕç.

Ку юрра ăнсăртран аса илмерĕм. Пĕтĕм Раççейри «Кĕмĕл сасă» конкурсра çак юрра шăрантарса Çĕмĕрле пики Екатерина Сулимкина гран-прие тивĕçрĕ. 18-мĕш хут иртнĕ фестиваль тĕрлĕ регионти пултаруллă яшсемпе хĕрсене Чăваш патшалăх филармонине пухрĕ.

Халăх юррине çĕнĕлле юрласа жюри членĕсене тыткăнланă пике 10-мĕш класра вĕренет, музыка шкулĕнче эстрада вокалĕн уйрăмĕнче ăсталăха туптать. Вăл Питĕрте, Мускавра иртнĕ Пĕтĕм Раççейри конкурссенче малти вырăнсене йышăннă. «Пирĕн килте пур хĕрарăм та хитре сасăллă. Эпĕ те мĕн пĕчĕкрен юрра-ташша юрататăп. Кукамай та, анне те хора çÿреççĕ. Пĕччен юрлама кăмăллатăп. Малашнехи пурнăçăма музыкăпа çыхăнтарасшăн, аслă пĕлÿ илес килет», — терĕ 16-ри чиперкке. Малалла вулас...

Чÿлмекпе апат та лартса панă

Пуш уйăхĕн 17-мĕшĕнче Чăваш патшалăх гуманитари ăслăлăхĕсен институтĕнче иртнĕ пресс-конференцире археологсем 2016 çулта йĕркеленĕ шырав ĕçĕсемпе, кăçал пурнăçа кĕртмелли тĕллевсемпе паллаштарчĕç.

Ирех тăрать, тумланать, Алена ĕçе тытăнать...

Авăннă та — хуçăлман...

Ача çурални — телей

Вулавçа халалласа - кĕнеке уявĕ

Раççей те чăваш хĕрарăмĕнчен вĕренет

Çичĕ кил пĕр çемьери пек пурăнать

Таса туйăма варалатăп...

Çын - çут çанталăкăн пĕр пайĕ

Ригăра тĕвĕленнĕ юлташлăх

Пуш уйăхĕн пуçламăшĕнче Новосибирск облаçĕнчи Бердск хулинче иртнĕ Пĕтĕм Раççейри хĕллехи ял спорт вăййисене 57 регионтан 1000 ытла спортсмен хутшăннă. Вĕсем спортăн 8 тĕсĕпе ăмăртнă. Çавнашкалах ĕне сăвакансем, механизаторсем хăйсен ăсталăхне кăтартнă. Чăваш Республикин команди виççĕмĕш вырăн йышăннă. Муркаш районĕнчи Çеçмерти Алена Никитина хĕрарăм механизаторсен хушшинче мала тухнă.

Çын тени йывăрлăхсенчен сыхланма тăрăшать: пăтăри çу пек камăн ирĕлсе киленес килмĕ? Анчах та шăпах йывăрлăхсем кăмăла пиçĕхтерни, пурнăç çулĕ çинче малашне те тĕл пулакан кăткăслăхсене шакăрт кăна катма хăнăхтарни пирки шухăшласах каймастпăр. Муркаш районĕнчи Итакачкассинче çуралнă Любовь Васильевăна шăпа мĕн тĕллевпе çавăн чухлĕ асап ярса панă-ши — паллă мар. Çакна кăна çирĕплетсех калама пулать — хĕрарăма нимĕн те хуçайман. Мĕн кăна чăтса ирттермен пулин те Люба аппа, ялта ăна хисеплесе çапла чĕнеççĕ, чун çирĕплĕхне те, шÿтлеме ухута кăмăлне те, хăлха-куç çивĕчлĕхне те, уçă ăс-тăнне те çухатман. 90 çула çитнĕскер, тен, начар илтет пулĕ тесе, малтанах хыттăнрах калаçрăм та ман çине “мĕн кăшкăрать ку?” тенĕн пăхса илчĕ.