Archive - Çу 2016 - Хыпар

Министрсен Кабинечĕн ЧР Пуçлăхĕ Михаил Игнатьев ертсе пынипе иртнĕ юнкунхи ларăвĕн кун йĕркинче икĕ теçетке ытла ыйту пулчĕ. Нумайăшĕ пирки ытла пысăк пĕлтерĕшлĕ тееймĕн — Правительствăн унчченхи йышăнăвĕсене улшăнусем кĕртессипе çыхăннăскерсем. Тĕп ыйтусен шутĕнче вара Информполитика министерствин пĕлтĕрхи ĕçĕ çинчен тунă отчет пулчĕ.

Чăваш Республикин Патшалăх Канашĕнче çу уйăхĕн 12-мĕшĕнче Чăваш Республикин бюджетне 2015 çулта пурнăçланин çулталăк отчечĕ тăрăх халăх итлевĕ иртрĕ, унта депутатсемпе пĕрлех ĕç тăвакан влаç органĕсен ертÿçисем, право йĕркине сыхлакан тата суд, вырăнти хăйтытăмлăх органĕсен представителĕсем, ЧР Тĕрĕслев-шут палатин, Общество палатин членĕсем, профсоюз тата общество организацийĕсен хастарĕсем, журналистсем, студентсем хутшăнчĕç.

Кăçалхи çу уйăхĕн 22-мĕшĕнче «Единая Россия» политика партийĕ РФ Патшалăх Думин тата регионсен парламенчĕсен депутачĕсене суйланакан кандидатсен сасăлавне ирттерет. Чылайăшĕ ăна кĕскен «праймериз» тесе палăртать.

Пĕтĕм тĕнчери Сывлăх сыхлавĕн организацийĕ йышăннипе 1983 çултанпа çу уйăхĕн 15-мĕшĕнче СПИДран вилнисен кунне паллă тăваççĕ.

Тĕрĕссипе, пациентсем ăшпиллĕ те ырă чунлă медсестрасене сывалса тухмассерен чĕререн тав тăваççĕ-ха. Ĕнер вара вĕсене тăван тăрăхăн пархатарлă çыннисен ячĕпе Чăваш патшалăх филармонийĕнче пĕтĕм общественноç чысларĕ.

Республикăра ĕç династийĕсене чысласси йăлана кĕнĕ ĕнтĕ.

Вулакана паян каласа кăтартас çын çинчен нумайăшĕ илтнĕ ĕнтĕ. Сăмахăм Çĕмĕрле районĕнчи Тури Кăмаша ялĕнче çуралса ÿснĕ Николай Адăр Тувалкин çинчен. Хулара тĕпленсе вăй илнĕскер çамрăк ăс-пуçпа амăшĕ вилсен тăван килне сутса янăшăн пĕрре мар ÿкĕннĕ вăл.

2013 çулхи хĕллехи Универсиадăран çĕнтерÿпе таврăннă биатлонисткăна Татьяна Акимовăпа /ун чухне — Семенова/ унăн вĕрентекенне Анатолий Акимова ЧР Правительство çуртĕнче чыслани халĕ те куç умĕнчех-ха.

Чăваш АССР, РСФСР, СССР халăх артистки, Ленин комсомолĕн преми лауреачĕ, пирĕн ентеш Надежда Павлова балерина çинчен илтмен çын республикăра çуках ĕнтĕ.

Шупашкар полицийĕн пуçлăхĕ Сергей Павлов нумаях пулмасть Анастасия Гузановăна парне парса хавхалантарнă /сăнÿкерчĕкре/. Хĕр çак чыса хăйĕн хастарлăхĕпе тивĕçнĕ.