Archive - 2014 - Хыпар

декабрь 30th

30 Dec, 2014 | Хыпар | Хула | Чыслав

Декабрь уйăхĕн 26-мĕшĕнче Чăваш Ен Пуçлăхĕ Михаил Игнатьев республикăри чи лайăх 46 ĕçчене Раççей Федерацийĕн тата Чăваш Республикин патшалăх наградисене парса чысланă.

Ĕнер ЧР Министрсен Кабинечĕн Председателĕ Иван Моторин правительство членĕсемпе, федерацин тата муниципалитет влаç органĕсен ертÿçисемпе канашлу ирттернĕ.

ЧР Министрсен Кабинечĕн Председателĕн çумĕ - строительство, архитектура тата çурт-йĕрпе коммуналлă хуçалăх министрĕ Олег Марков социаллă ушкăнри граждансене çурт-йĕрпе тивĕçтерни çинчен каласа кăтартнă.

Чăваш Ен Халăха ĕçпе тивĕçтерекен патшалăх служби Японин «Фуджикура Аутомотив» компанийĕ Шупашкарта йĕркелекен çĕнĕ производство валли кадрсем суйласа илмешкĕн пулăшма хатĕр.

Финанспа экономикăн кăткăс лару-тăрăвĕнче оппозици юхăмĕсен представителĕсем «Чăваш Ен бюджетне «çисе яракан бюджет» тесе хаклаççĕ, унпа тухăçсăр усă курнине палăртаççĕ». Чăннипех çапла-ши? Тĕплĕн шухăшласа пăхар-ха.

Чăваш Республикин бюджечĕ - социаллă пĕлтерĕшлĕ е, урăхла каласан, бюджетăн пысăк пайĕ - халăх пурнăçне лайăхлатма каякан тăкаксем. Чăваш Ен топливо ресурсĕсен шучĕпе килекен укçа-тенкĕпе иртĕхекен республика мар. Çавăнпа халăх пурнăçĕн шайне ÿстересси алăра пур хатĕрсемпе тухăçлă усă курнинчен нумай килет.

Иртнĕ шăматкун Шупашкарта пурăнакансем Хĕл Мучи, Юр пике, упа, лаша, сурăх, качака тата юмахсенчи ытти сăнар тумĕсене тăхăнса савăнăçлă юрă-кĕвĕпе хулан тĕп урамĕпе утса тухнă. Çывхарса килекен Çĕнĕ çула халалланă уява 15 пин ытла çын хутшăннă.

Чăваш Ен спортсменки Татьяна Семенова - Раççейри çамрăк биатлонçăсен йышĕнче чи пултаруллисенчен пĕри. Çак кунсенче вăл пире тепĕр çĕнтерÿпе савăнтарчĕ - Раççей чемпионатĕнче «бронза» çĕнсе илчĕ.

Декабрĕн 28-мĕшĕнче Чулхула Кремлĕн концерт залĕнче РФ Президенчĕн федерацин Атăлçи округĕнчи полномочиллĕ представителĕ Михаил Бабич тимлесе тата пулăшса пынипе иртекен Округăн Çĕнĕ çул Елки пулнă.

30 Dec, 2014 | Хыпар | Сывлăх | Ĕçлев

Çулталăк вĕçленсе пынă май кашни предприяти-организацирех çак тапхăрта мĕнле ĕçленине пĕтĕмлетеççĕ. Вăрмарти Халăха ĕçпе тивĕçтерекен центрта тăрăшакансем Çĕнĕ çула тулли кăмăлпа кĕтсе илеççĕ. Служба пулăшнипе хăйсене килĕшекен ĕç тупнисем те вĕсенчен кая мар хавас.

«Валентина Терешкова чăваш халăхĕн кинĕ-и?» статьяна питĕ тимлĕ вуларăм. Шăллăма Юрий Гагарин космоса вĕçсе кайнă хыççăн çуралнăран Юра ят панă. Ун хыççăн хĕрача кун çути курчĕ. Çав вăхăталла Валентина Терешкова космоса парăнтарчĕ. Çапла вара эпир аннене йăмăка Валентина ят пама ыйтрăмăр. Валентина халĕ Етĕрне районĕнчи Кăкшăм тата Пĕрçырлан шкулĕсенче хими тата биологи учителĕнче ĕçлет, вăл та Валентина Терешкова пекех пурнăçра пысăк çитĕнÿсем тăвасса эпĕ шансах тăратăп.

Pages