Archive - 2014 - Хыпар

декабрь 17th

17 Раштав, 2014

Куравра - хурçă утсем

Элĕкри литературăпа таврапĕлÿ музейĕнче Шупашкарти трактор историйĕн музейĕн куçса çÿрекен «Хурçă ут» куравĕ уçăлнă.

Трактор музейĕн директорĕ Альберт Сергеев хăй ертсе пыракан учрежденин ĕçĕ-хĕлĕпе, кун-çулĕпе паллаштарнă, виртуаллă видеоэкскурси кăтартнă. Кураври плакатсемпе картинăсем хамăр çĕршывра тата тĕнчере трактор тăвасси епле вăй илсе пынине сăнласа параççĕ. Экспозицире çавăн пекех Раççейре тата чикĕ леш енче 20-мĕш ĕмĕрте туса кăларнă тракторсемпе радио хумĕпе ĕçлекен техникăна та курма пулать.

17 Раштав, 2014

Общежитире пурăннăшăн тÿлемелли хак

Студентсем общежитире пурăннăшăн тÿлессипе çыхăннă хальхи вăхăтри лару-тăрăва «Пĕрлĕхлĕ Раççей» политика партийĕн ĕçтăвком тĕп комитечĕ видеоконференци мелĕпе ирттернĕ селектор канашлăвĕнче тишкерчĕç. Унта Чăваш Енрен те хутшăнчĕç.

17 Раштав, 2014

Фермерсене патшалăх пулăшăвĕ кирлех!

Унсăрăн вĕсем аталанаймĕç

Кам ăçта çуралнă, çавăнта кирлĕ пулнă теççĕ. Чылай чухне çак каларăш чăнлăхпа килĕшсе тăмасть. Калăпăр, асаттесен йăлипе тĕпкĕчĕн ашшĕ-амăшĕн килĕнчех пурăнмалла, анчах вăл ялта юласшăн мар.

17 Раштав, 2014

Техникăна газпа ĕçлеттерни перекетлĕрех

ЧР транспортпа çул-йĕр хуçалăхĕн министрĕ Владимир Филиппов иртнĕ эрнере Правительство çуртĕнче журналистсен ыйтăвĕсене хуравларĕ.

Раççей Правительствин 2013 çулхи майăн 13-мĕшĕнчи «Мотор топливи вырăнне çутçанталăк газĕпе ытларах усă курасси çинчен» хушăвне пурнăçласа 300 пин ытла çын пурăнакан хулари пассажирсем турттаракан автотранспортăн тата коммуналлă хуçалăх техникин - 30% яхăн, 100 пин ытла çын пурăнакан хулари асăннă хатĕрсен 10% яхăн 2020 çулччен çутçанталăк газĕпе ĕçлеттермеллине пĕлтерчĕ.

17 Раштав, 2014

Сĕтшĕн тĕрлĕрен тÿлеççĕ. Мĕншĕн?

Елчĕк районĕнчи килти хуçалăхра темиçе ĕне усракан Петр Васильев «Хыпар» редакцине телефонпа шăнкăравларĕ. Ял çыннисенчен пухакан сĕте мĕн хакпа йышăннине хаçатра вуласа пĕлсе тăраканскер: «Элĕк, Вăрнар, Хĕрлĕ Чутай районĕсемпе танлаштарсан Елчĕк, Шăмăршă, Сĕнтĕрвăрри тăрăхĕсенче пуçтаракансем мĕншĕн йÿнĕрех тÿлеççĕ?» - тесе ыйтрĕ.

17 Раштав, 2014

«Улми» депутатран аякка ÿкмест

Следстви комитечĕн Канашри пайĕ Патăрьел районĕнчи Каншел ялĕнчи 60 çулти арçын тата унăн 33-ри ывăлĕ тĕлĕшпе Уголовлă кодексăн 116 статйипе пуçарнă уголовлă ĕçе тĕпчесе пĕтернĕ. Вак-тĕвек теме те пулатчĕ-тĕр, анчах асли - вырăнти коммерци организацийĕн гендиректорĕ тата районăн Пухăвĕн депутачĕ...

17 Раштав, 2014

Шерне пулăшас темен...

Çак инкек çулталăк каялла, пĕлтĕрхи ноябрĕн 25-мĕшĕнче, Тăвайра пулнă. Халь тинех приговор та паллă - Вăрмар районĕн сучĕ 29 çулти Леонид Шернене 2 çул та 2 уйăхлăха колони-поселение ăсатма йышăнчĕ.

21 сехет тĕлнелле райцентрпа пынă май Шерне автомобиль хăвăртлăхне юранинчен ÿстернĕ. Çулпа утакан хĕрарăма асăрхасан та хăвăртлăха чакарман, чарăнман. Çуран çынна таптаса йывăр амантнă. Чарăнса пулăшмалла пулнă ĕнтĕ - çынна вилĕмрен çăлса хăваратчĕ пуль, анчах водитель çапла туман, вырăнтан пăрахса тарнă.

17 Раштав, 2014

Намăссăр!

Шупашкарти Мускав районĕн сучĕ тĕп хулари «Ритуаллă пулăшу ĕçĕсем» МУП директорĕн пĕтĕмĕшле ыйтусемпе ĕçлекен заместителĕ 30 çулти Евгений Владимиров тĕлĕшпе пуçарнă уголовлă ĕçпе приговор палăртнă. Ăна ултавшăн тата коммерци енĕпе сутăннăшăн айăпланă.

17 Раштав, 2014

«Паян сывă-ха, ыран мĕн пулассине пĕлместĕп...»

Аллăмра - 70 çул ытла каялла çырнă çырусем. Тăван çĕршывăн Аслă вăрçинчен янăскерсем. Вĕсем пурте тăван ялăмра - Елчĕк районĕнчи Яманчÿрелĕнче - çуралса ÿснĕ Артем Базарнов çырнăскерсем. Эпĕ курман ăна. Вăл ялтан Тăван çĕршыва хÿтĕлеме тухса кайнă çĕр ытла ентешрен çуррине яхăн каялла таврăнайманнисен йышĕнче.

Артем Базарнов 1916 çулта çуралнă. Елчĕк районĕн çар комиссариачĕ ăна çара ăсатнă. Сержант. 1942 çулхи августăн 4-мĕшĕнче Тверь облаçĕнчи Зубцовское районĕнчи Погорелое Городище ялшăн пынă çапăçура вилнĕ.

Pages