Archive - Çу 2014 - Хыпар

Республикăн Патшалăх Канашĕ 20 çул тултарать те - мĕншĕн парламент тытăмне-ĕçне тишкермелли сăлтав мар? Темшĕн-çке юлашки çулсенче республика шайĕнчи хаçатсенче парламентарисен ĕçне çутатасси, мĕнле калас, ансăрланчĕ - тĕпрен илсен сессисем çинчен каласа панипех çырлахатпăр. Çакă хăй вăхăтĕнче Чăваш Енĕн пĕрремĕш Президенчĕ ПКпа пит туслах пулманнипе те сăлтавланчĕ пуль, çавăн МИХсемпе çыхăннă витĕмĕ вара паян та сирĕлсе пĕтеймест-тĕр. Апла тăк журналистсемшĕн пушшех - сухаламалли çерем.

Министрсен Кабинечĕн ĕнерхи ларăвне ЧР Пуçлăхĕ Михаил Игнатьев пухăннисене Пограничник кунĕ ячĕпе саламланинчен пуçларĕ. Анчах ларури калаçу, паллах, уяв тавра мар, кулленхи çивĕч ыйтусем пирки пулчĕ.

Федерацин 2013 çулхи нарăс уйăхĕн 23-мĕшĕнчи «Граждансен сывлăхне таврана сарăлнă табак тĕтĕмĕн тата ăна туртнă хыççăнхи сиен витĕмĕнчен сыхласси» 15-мĕш саккунĕ кăçалхи çĕртме уйăхĕн 1-мĕшĕнче туллин ĕçлеме пуçлать. Унăн хăш-пĕр статйи малтанах вăй илнĕччĕ-ха.

Канаш районĕнче пурăнакан Иванов /автор ыйтнипе унăн тулли адресне палăртмастпăр/ сиенлĕ условисенче ĕçленипе ватлăхри ĕç пенсине маларах тухасси пирки ăнлантарса пама ыйтнă çырăва РФ Пенси фончĕн Канаш хулинчи тата районĕнчи управленине ярса патăмăр.

Çак кунсенче пулас тракторист-машинистсем Вăрнар ял хуçалăх техникумне республика олимпиадине пухăннă. Унта вăтам професси пĕлĕвĕ паракан вĕренÿ учрежденийĕсенче вĕренекенсем хутшăннă.

Юсанмалли 3-мĕш колонирен ристан тарнă /ăна тытни çинчен эпир пĕлтернĕччĕ/ тĕслĕхе тĕпчеççĕ кăна-ха - унăн айăплав вăхăчĕ хушăнасси куç кĕрет. Анчах следстви çакăнпа кăна çырлахмасть: Следстви комитечĕн Çĕнĕ Шупашкарти пайĕ пăтăрмах тĕлĕшпе ИК-3 сотрудникĕ пирки уголовлă ĕç пуçарнă.

Тĕрĕссипе, çав сотрудник колонире ĕçлемест ĕнтĕ, ăна ĕçрен хăтарнă. Малтанлăха палăртнă тăрăх - вăл, колонин сăнав вышки çинче пулнă часовой, ристан юсанмалли учреждени территорийĕнчен тарнине курнă, анчах çакна сирсе яма мерăсем йышăнман: асăрхаттарса çÿлелле те, таркăна тĕллесе те пемен.

Республикăра наркотиксен тыткăнне лекнĕ çынсен, çавăн пекех наркотиксемпе çыхăннă преступленисен шучĕ ÿссе пынин туртăмĕ палăрать. Çакăн çинчен ĕнер ЧР наркотиксемпе кĕрешекен комиссийĕн Чăваш Ен Пуçлăхĕ Михаил Игнатьев ертсе пынипе иртнĕ ларăвĕнче пăшăрхануллă калаçу пулчĕ.

Çак кунсенче Сарă ту облаçĕнчи «Хвалынский» курорт территорийĕнче федерацин Атăлçи округĕн «Туриада - 2014» спорт-туризм лагерĕ ĕçленĕ.

Çу уйăхĕн 26-мĕшĕнче Чăваш Ен Пуçлăхĕ Михаил Игнатьев 2014 çулта ачасен канăвне йĕркелес ыйтупа видеоконференци мелĕпе йĕркеленĕ канашлăва хутшăннă. Ăна Раççей Правительствин Председателĕ Дмитрий Медведев пĕтĕм тĕнчери ачасен «Артек» центрĕн никĕсĕ çинче ирттернĕ.

Раççей премьер-министрĕ пĕлтернĕ тăрăх - 2014 çулта сывлăха çирĕплетмелли 52 пин ытла лагерь ĕçлĕ, унта 8,5 млн ача канĕ. Дмитрий Медведев çуллахи канăва тивĕçлипе хатĕрленсе йĕркелес ыйтусене палăртнă. «Пирĕн тĕллев - сывлăха çирĕплетмелли кампание çÿллĕ шайра ирттересси», - тенĕ вăл.

Политика репрессийĕнче шар курнисен республикăри инвалидсен общество организацийĕ пĕрлĕхĕн правленийĕн ларăвне районсене тухса ирттерессине çирĕп йăлана кĕртнĕ. Хальхинче вăл Улатăрта иртрĕ.