Archive - Ака 2014 - Хыпар

Чăваш кĕнеке издательстви çĕр-шыври учебниксем кăларакан издательствăсемпе тахçанах тачă çыхăну йĕркеленĕ. 2013 çулта "Просвещение" издательствăпа калаçса татăлса федерацин 12 учебникне пуçламăш шкул вĕренекенĕсем валли чăвашла куçарса кăларнă.

"Чăваш чĕлхи, тăван ен культури, чăвашлăх ыйтăвĕсем" уçă калаçу-семинара вĕрентекенсем, культура ĕçченĕсем, ача сачĕсенче ĕçлекенсем, тавра пĕлÿçĕсем йышлăн пухăнчĕç. Çивĕч ыйтусене сÿтсе явма Шупашкартан, кÿршĕ районсенчен килнĕ хăнасем те хутшăнчĕç.

Кăçал паллă поэт, прозаик, публицист Семен Васильевич Элкер çуралнăранпа 120 çул çитет. Йĕпреçри тĕп библиотекăра "Йĕпреç çĕрĕн маттур ывăлĕ" поэзи кунĕ иртнĕ. Вулавăш ĕçченĕсем яш-кĕрĕмпе хĕр-упраç валли "Çемен Элкер - çамрăк ăру куçĕпе" литература каçĕ йĕркеленĕ.

Шăмăршăри культура аталанăвĕн центрне ака уйăхĕн 25-мĕшĕнче халăх йышлă пухăннă. Унта "Савнă Шăмăршă ен" уяв пулнă. Ăна Чăваш чĕлхи кунне халалланă.

Ака уйăхĕн 26-мĕшĕнче Чăваш Ен Пуçлăхĕ Михаил Игнатьев чăваш юррине юрлакан ачасен республикăри VIII "Мехел" телеконкурсăн юлашки тапхăрĕнче пулнă.

Этемлĕхшĕн çăпата сырса çÿресси тахçанах манăçа тухнă ĕнтĕ. Çăкаран хуçнă пушмака тиртен, сăрантан çĕлетнисем улăштарнă. 100 çул каялла вăл кашни çемьерех пулнă тăк халĕ ăна музейра кăна курма пулать. Апла пулин те Чăваш Енре паян та çăпата тăвакансем пур-ха. Мĕн тĕллевпе аппаланаççĕ-ха вĕсем çак ĕçпе?

Çак кунсенче Етĕрне хулинче чăваш музыкин республика фестиваль-конкурсĕ иртнĕ. Ăна, "Хĕвел" ят панăскере, çак районта çуралса ÿснĕ Анисим Асламаса халалланă. Программăра чăваш композиторĕсен /Алексей Иванов, Геннадий Воробьев, Лариса Быренкова, Григорий Хирбю, Анисим Асламас/ произведенийĕсем пулнă.

Çак кунсенче республикăра çеç мар, çĕр-шывĕпех иртрĕç Чăваш чĕлхи кунне халалланă мероприятисем.

Çапла ят панă Культура çулталăкĕнчи Пĕтĕм тĕнчери курав проектне. Вăл иртнĕ вырсарни кун хупăннă.

Унта фототехникăпа фотопичетĕн тĕлĕнмелле коллекцине тăратнă. Çав шутра: 98 фотоаппарат /вĕсене Совет Союзĕнче тата ют çĕр-шывсенче туса кăларнă/, 1912 çулта усă курнă фотокамера...

Культура çулталăкĕ сумлă юбилейсемпе пуян. Ака уйăхĕнче, сăмахран, Аристарх Орлов-Шуçăм композитор çуралнăранпа 100 çул çитрĕ терĕмĕр. Çав уйăхăн 19-мĕшĕнче вара Чăваш халăх писателĕн Хветĕр Уярăн та 100 çулхи юбилейĕ пулчĕ.