Archive - 19 Пуш, 2014 - Хыпар

Чăваш Енре коньки спорчĕ 105 çул каялла аталанма пуçланă: 1908 çулта Пăрачкаври учительсен семинарийĕнче пирвайхи хут каток уçăлнă, çавăн чухнех вĕренекенсем валли конькисем туяннă.

Энциклопеди пĕлтерет

Чăваш Ен боксерĕсем хамăр çĕр-шывра та, тĕнчере те тахçанах ят илнĕ. Тĕрлĕ чемпионат çĕнтерÿçисене Алексей Соловьева, Николай Алешева, Александр Федорова, Ирина Спиридоновăна паян пирĕн республикăра пĕлмен çын çук. Çамрăксем те вĕсенчен тĕслĕх илеççĕ, чылай ăмăртуран çитĕнÿпе таврăнаççĕ.

Ухсай Яккăвĕ ячĕллĕ культура керменĕнче ЧР Физкультурăпа спорт министерствин коллегийĕн анлă ларăвĕ иртнĕ. Унта ведомствăн пĕлтĕрхи ĕçĕ-хĕлне пĕтĕмлетнĕ, кăçалхи тĕллевсене палăртнă.

Иртнĕ эрне кун Культура тата халăх пултарулăхĕн республика керменĕн «6х7» галерейинче Светлана Гордеевăн «Чечексен поэзийĕ» куравĕ уçăлчĕ.

Полицирен 25 çулти хĕрарăм пулăшу ыйтнă: такам Шупашкарти Боголюбов урамĕнчи унăн хуралти çине вырнаçтарнă видеосăнав камерине вăрласа кайнă иккен.

Следстви комитечĕн республикăри управленийĕн уйрăмах пĕлтерĕшлĕ ĕçсене тĕпчекен пайĕ Шупашкар хулин налук инспекцийĕн пай пуçлăхĕн çумĕ тата вырăнти коммерци организацийĕсенчен пĕрин директорĕ тĕлĕшпе айăплав тăратнă. Вĕсене взятка илнĕшĕн тата панăшăн айăплаççĕ.

Мăшăр час-часах харкашнă та - арăмĕ çакăншăн упăшкине тĕп тума шут тытнă. Ăна вĕлерме киллера тара тытнă.

Следстви комитечĕн Çĕнĕ Шупашкарти пайĕ çак тĕслĕхпе уголовлă ĕç пуçарнă ĕнтĕ. Вăл тĕпчесе пĕлнĕ тăрăх - 35 çулти хĕрарăм 46-ри упăшкине вĕлерме хатĕр çынна Интернетри социаллă сетьсенче тупнă. Хак пирки калаçса татăлнă - 2 пин евро. «Киллерпа» темиçе хут тĕл пулнă, ăна 10 пин тенкĕ аванс тÿленĕ, ыттине саккаса пурнăçланă хыççăн татма шантарнă.