Archive - 11 Чÿк, 2014 - Хыпар

11 Чÿк, 2014

Хăратма мар, пире пулăшма килнĕ

Мускавсем Чăваш Енри çулсем çинчи йĕркелĕхе тĕрĕслерĕç.   «Республикăна 15 БМВ автомобильпе Мускавран ПАИ сотрудникĕсем килнĕ, çулсем çинче водительсене тустараççĕ кăна!» Интернет саманинче çак хыпар Чăваш Енре çиçĕмлĕ хăвăртлăхпа сарăлчĕ.

11 Чÿк, 2014

ЧР Пуçлăхĕн Çырăвне хатĕрлеме пуçланă

Чăваш Ен Пуçлăхĕ Михаил Игнатьев республикăн Патшалăх Канашне яракан Çырăва хатĕрлес енĕпе ĕçлеме пуçланă. Çав документра Правительство, Патшалăх Канашĕ, вырăнти хăй тытăмлăх органĕсем, предприятисемпе организацисем малашлăхра мĕнле ĕçлессине палăртĕç.

Çырăва хатĕрленĕ май республикăра пурăнакансен, общество организацийĕсен, граждан обществин ытти институчĕн шухăшне шута илеççĕ. Халăхăн пурнăç пахалăхне ÿстерме чи малтанах мĕн тумалла? Чăваш Ен Пуçлăхĕн мĕнле темăсене ытларах витĕмлемелле?

11 Чÿк, 2014

Тата 2 вырăнта ача сачĕ уçăлнă

Чÿк уйăхĕн 7-мĕшĕнче Чăваш Республикин Министрсен Кабинечĕн Председателĕ Иван Моторин Улатăр районĕнчи Чуварлей тата Канаш районĕнчи Шăхасан салисенче ача сачĕсем уçма хутшăннă. Шкул çулне çитменнисен учрежденийĕсене Чăваш Республикин 2012-2020 çулсенче «Вĕренĕве аталантарасси çинчен» патшалăх программипе килĕшÿллĕн федераци, республика тата вырăнти бюджетсен укçи-тенкипе тунă.

11 Чÿк, 2014

Асăрханасси чакнăран кăçал 50 çын путса вилнĕ

Ноябрĕн 10-мĕшĕнче ЧР Правительствин Председателĕ Иван Моторин Министрсен Кабинечĕн членĕсемпе, федераци ведомствисен территори органĕсен тата муниципалитетсен ертÿçисемпе канашлу ирттернĕ.

Муркаш районĕнчи Шомик ялĕнче ачасен сывлăха çирĕплетмелли лагерĕсем валли тасатмалли сооруженисем тăвасси çинчен строительство министрĕн тивĕçĕсене пурнăçлакан Сергей Безруков каласа кăтартнă.

11 Чÿк, 2014

Çамрăксем чăваш аваллăхĕпе кăсăкланаççĕ

Канашри ача-пăча пултарулăх çуртĕнче «Подросток» клуба çÿрекенсем валли «Манăн хула» воспитанипе ăс-хакăл мероприятийĕ иртнĕ. Ăна хулари тавра пĕлÿ музейĕн администрацийĕпе пĕрле йĕркеленĕ.

Малтанах çамрăксене аваллăх управçипе тĕплĕн паллаштарнă, чăваш халăх культури, йăли-йĕрки, Канаш хулин историйĕ пирки каласа панă. Унтан «Манăн хула» викторина пулнă. Тăван хулан историне 11-мĕш шкулта вĕренекен Роман Ибрагимов пуринчен лайăх пĕлнипе палăрнă. 3,8-мĕш шкулсенче пĕлÿ илекен Дмитрий Бурлаковпа Максим Антонов иккĕмĕшпе виççĕмĕш вырăнсене пайланă.

11 Чÿк, 2014

Сочинени: киввине - çĕнĕлле йĕркепе

Патшалăх экзаменĕ мĕнле иртессине уçăмлатрĕç

Вĕренÿ çулĕн пĕрремĕш чĕрĕкĕ хыçа юлчĕ. Шкултан вĕренсе тухма хатĕрленекенсемшĕн хĕрÿ тапхăр пуçланчĕ те темелле. Акă çак уйăхрах, ноябрĕн 20-мĕшĕнче, Раççейĕн пур регионĕнче те вунпĕрмĕшсем пĕтĕмлетÿ сочиненийĕ çырса пăхĕç. Хаçатра пĕлтернĕччĕ: 2014-2015 вĕренÿ çулĕнче патшалăх пĕтĕмлетÿ аттестацине иртме ирĕк иличчен выпускниксем вырăс чĕлхипе литературăна пĕлнине çирĕплетсе сочинени хайлама тивĕç. Çак тĕрĕслев декабрĕн 3-мĕшĕнче Раççейри вăтам шкулсенче пуринче те иртĕ.

11 Чÿк, 2014

Паллашăр: Китай культурин кунĕсем

Ноябрĕн 18-19-мĕшĕсенче И.Я.Яковлев ячĕллĕ Чăваш патшалăх педагогика университетĕнче Китай культурин кунĕсем иртĕç. Мероприятире Китай чĕлхипе культурин центрне уçĕç.

Асăннă центрăн тĕп тĕллевĕ - Чăваш Енри студентсене, шкул ачисене китай чĕлхине вĕрентесси пулĕ. Яш-кĕрĕмпе хĕр-упраçа çавăн пекех Китай историйĕпе те паллаштарĕç.

11 Чÿк, 2014

Çитменлĕхсем пур

ЧР юсанмалли учрежденисенче саккунсене пăхăннине сăнаса тăракан Шупашкар прокуратури колонисенче тĕрĕслев ирттернĕ май чылай çитменлĕхе тупса палăртнă.

Калăпăр, 6-мĕш колонин штраф изоляторĕн камерисенче сивĕ шыв кранĕсем, унитазсем юсавсăр пулнă. Хăш-пĕр камерăра кăнтăрлахи е çĕрлехи çутă пулман. Кунта йĕкехÿресем те пур иккен. Камерăсенче табак туртма юрамасть, çакна пăхмасăр хăшпĕр ристан пирус мăкăрлантарать. 3 тата 4-мĕш камерăсенчи айăпланнисем пÿлĕмсен хушшинчи стенана шăтарнă та - пĕр-пĕринпе калаçма, тĕрлĕ япала пама пултараççĕ.

Pages