Archive - Oct 2014 - Хыпар

Чăваш Ен Пуçлăхĕ Михаил Игнатьев ĕнер Атăлçи таможня управленийĕн пуçлăхĕпе Сергей Рыбкинпа курнăçнă. Тĕл пулăва çавăн пекех Чул хула таможнин пуçлăхĕ Юрий Лушников тата унăн çумĕ - Чăваш таможня посчĕн пуçлăхĕ Марат Гараев хутшăннă.

Украинăн хăйсем ялан пурăннă вырăнтан тухса кайма тивнĕ тата Чăваш Республикине килнĕ гражданĕсене ĕç тупма пулăшасси - Чăваш Ен Халăха ĕçпе тивĕçтерекен патшалăх службин органĕн паянхи приоритетлă тĕллевĕ.

Çак тĕнчере этемрен вăйли çук тетпĕр пулин те вăл та çут çанталăк саккунĕсенчен иртеймест. Урăхла каласан çĕр çинче вăл та хăнара кăна: çуралать, вăй илсе çунат сарать, пĕр хушă чăн та хăй хăватне кăтартать, вăхăт иртнĕ май ватăлать-кукăрăлать, туя çине таянать...

Раççей ÿнер академийĕн член-корреспонденчĕ, Раççей Федерацийĕн тава тивĕçлĕ художникĕ, Чăваш халăх художникĕ Анатолий Рыбкин хальхи вăхăтра Питĕрте ĕçлесе пурăнать. Ентеш тăван тăрăха килмессерен тĕлĕнтерсе хăварать. Хальхинче Анатолий Петрович Сĕнтĕрвăрринчи Ю.А.Зайцев ячĕллĕ ÿнер галерейинче хăйĕн ĕçĕсен куравне йĕркелерĕ.

Чĕмпĕрте фольклор коллективĕсен IV «Обломовкăри туй» регион конкурс-фестивалĕ иртнĕ. Унта Чăваш, Пушкăрт, Мари, Удмурт республикисенчи, Чул хула, Липецк, Самар, Саратов, Пермь, Чĕмпĕр облаçĕсенчи 15 коллектив хутшăннă.

Чăваш Енри культурăпа искусство учрежденийĕсенче ĕçлекенсен спартакиади юлашки вăхăтри паллă пулăмсен шутне кĕчĕ. Республика шайĕнчи спорт мероприятийĕ Кÿкеçри «Улăп» комплексра иртрĕ. Ăна «Раççей - спорт çĕр-шывĕ» форум умĕн ятарласа ГТО нормисене пама хатĕрленсе йĕркеленĕ.

Сĕнтĕрвăрри районĕнчи Нишер Çÿлти тата Аялти Услăх ялĕсемпе пĕрлешиччен пысăках марччĕ. Халĕ 124 килти хуçалăха пĕрлештерет. Николай Николаев çак тăрăхра çуралса ÿснĕ, ял историне лайăх пĕлет. Анчах пурнăçăн тĕп вăхăтне кунта мар, Çĕнĕ Шупашкарта ирттернĕ.

Pages