Archive

Республикăри кардиологи диспансерĕнче чĕри аталанса çитмен ачасене пĕрремĕш хут коррекци операцийĕ тунă. Пирĕн кардиологсем валли Словакири Братиславăри ача-пăча кардиологи центрĕн профессорĕ Павел Гавора ăсталăх класĕ ирттернĕ.

"Хыпар" ыйтăвĕсене Чăвашгидрометеоцентр директорĕ

Сергей Максимов хуравлать.

Чăваш Ен Халăха ĕçпе тивĕçтерекен патшалăх служби тата Федерацин наказанисене пурнăçлакан службин Чăваш Республикинчи управленийĕ ĕçлесе юсанмалли учрежденирен ирĕке кăларма палăртнă çынсене ĕçпе тивĕçтерес ыйтусене пĕрлехи вăйпа татса парассине йĕркеленĕ.

«Хыпар» Издательство çурчĕ хăйĕн кăларăмĕсене ытларах сарас тата çынсене çырăнтару кампанине хутшăнтарас тĕллевпе «Почтальонпа пĕр кун» акци ирттерет. Çак кунсенче «Хыпар» хаçат корреспонденчĕсем Çĕрпÿ районĕнчи Патăрьел ял тăрăхĕнче пулчĕç.

Ачасене хÿтĕлемелли пĕтĕм тĕнчери кун "Хыпар" Издательство çурчĕшĕн хăйне евĕр уяв пулса тăчĕ. Пурнăçа илем кÿрекенсен праçникĕ умĕн хамăрăн ĕçтешсемпе акци пуçартăмăр - шкул ÿсĕмĕнчисене вулама юрăхлă кĕнекесем пухма тытăнтăмăр. Икĕ эрне тăршшĕнче "чун апачĕн" пысăк тĕркисем куллен йышланса пычĕç.

Кăçалхи пĕрремĕш кварталта прокурорсем республикăра саккассене вырнаçтарассипе çыхăннă сферăра саккуна пăснин коррупци сĕмĕллĕ 32 тĕслĕхне тăрă шыв çине кăларнă. Çавна май 12 çынна - дисциплина енĕпе, 4 çынна административлă майпа явап тыттарнă. Пĕр материал тăрăх уголовлă ĕç пуçарнă.

Мускавшăн, пысăк ытти мегаполисшăн ултавăн çакнашкал мелĕ тахçанах кăтартуллă теççĕ. Шупашкар пирки пысăк хула тееймĕн, кунта нумайăшĕ пĕр-пĕрне пĕлет, паллать, пурте куç умĕнче темелле. Анчах ютра пурри кунта та часах çитет иккен. Çав шутра - усалли те.

ПАИ инспекторĕсем наркотикпе минренĕ водителе тытса чарнă. Ку çеç те мар: унăн машинин салонĕнче çарта усă куракан взрывпакетсем тупнă. Чăннипех гранатăллă упăте вĕт - урăхла калаймăн!

Çакăн пек ятпа Раççей ШĔМĕн транспорт çинчи Чăваш лини пайĕ информаципе пропаганда акцине пуçарнă. Пĕтĕм тĕнчери ачасене хÿтĕлемелли куна халалланăскер çу уйăхĕн варринче пуçланчĕ, çĕртме уйăхĕн 5-мĕшĕччен пырать.