Муркаш районĕнчи Отарккăри сад Ивановсен аллине куçнă хыççăн тинех тепĕр хут çĕнелме, çĕкленме тытăннă. «Агростартап» программăпа патшалăх пулăшăвне тивĕçни ырă пуçарăва малалла тăсма хавхалантарнă, çунат хушнă тейĕн.
Мартынкасси тăрăхĕнче пурăнакан ватăсем çулсеренех Пĕтĕм тĕнчери ватăсен кунне пĕрле пухăнса уявласси çирĕп йăлара. Кăçал та ĕлĕкхи пекех вĕсем, йышлах мар пулсан та, клуба пухăнчĕç.
Йÿçкасси, Патаккасси, Анатри Панкли, Тури Панкли, Кивĕ Матьăк ялĕсенче çулсене 6 çухрăма яхăн вак чулпа асфальт тĕпренчĕкĕн хутăшне сарса хытарнă. Кун хыççăн урамсем те палăрмаллах илемленнĕ.
Мускаври М.Щепкин ячĕллĕ театр училищинчен ăнăçлă вĕренсе тухнă хыççăн Николай Булаткин К.В.Иванов ячĕллĕ Чăваш патшалăх академи драма театрĕн сцени çинче роль хыççăн роль калăпланă. «Маншăн пĕчĕк е пысăк роль çук, — тенĕ вăл. — Пултарулăха, ăсталăха нихăш «геройшăн» та шеллеместĕп». Шел, сцена ăсти пурнăçран вăхăтсăр уйрăлса кайнăран ĕмĕчĕ татăлнă.
Интернет пирĕн пурнăçăн пĕр пайĕ пулса тăчĕ. Унпа хулара çеç мар, ялта пурăнакансем те анлăн усă кураççĕ. Акă Елчĕк районĕнчи Курнавăшри вăтам шкулта вĕренекенсем интернет урлă мĕн-мĕн тума май пурри, унăн лайăх тата япăх енĕсем пирки ыттисене те ăнлантараççĕ.
Пĕр хуларан теприне ĕçе маршруткăпа çÿретĕп. Çул çинче çур сехет ытла иртет. Салонри пассажирсене сăнатăп, пурин те аллинче — телефон. Пĕрисем наушникпе юрă-кĕвĕ итлеççĕ, теприсем соцсетьсенче тем шыраççĕ, виççĕмĕшĕсем юлташĕсем патне СМС-çыру вĕçтереççĕ. Тăваттăмĕшĕсем интернетри хыпар-хăнарпа паллашаççĕ, çанталăк мĕнле пулассипе кăсăкланаççĕ. Çав вăхăтрах пĕри те чÿречерен пăхмасть, çут çанталăк илемĕпе киленмест. Пурте виртуаллă тĕнчере... Ку ыйту шухăша ячĕ, хаçат страницинче сăмах пуçарма хистерĕ.
Шăматкун Елчĕк районĕнче Ял хуçалăх тата тирпейлекен промышленноç ĕçченĕсен кунне паллă турĕç. Уяв умĕн район ертÿлĕхĕ тата вырăнти ял хуçалăх предприятийĕсен ертÿçисем «Победа» хуçалăхра вăй хуракансене саламлама пуçтарăнчĕç. Сăлтавĕ пур: çак кун кунта 400 пуç ĕне усрамалăх ферма хута кайрĕ. Савăнăçлă мероприятие Чăваш Республикин Министрсен Кабинечĕн Председателĕн çумĕ — ял хуçалăх министрĕ Сергей Артамонов та хутшăнчĕ.
Пĕчĕк ачасем шахмат кÿлеписене унталла-кунталла вăр-вар куçарнине пăхса тăма уйрăмах кăсăклă пулчĕ…
Ку ачасем — Çĕрпÿ районĕнчи Чиричкасси шкулĕнче 4-мĕш класра вĕренекенсем. Вĕсем эрнере пĕр хутчен иртекен уроксенче шахмат вăййин вăрттăнлăхĕсене алла илеççĕ. Шахмат шкулĕ кунта кăçалхи вĕренÿ çулĕнче ĕçлеме пуçланă.
Чăвашла верси
Русская версия
