Archive - Çу 2018

мая 29th

29 Çу, 2018

Çĕнĕлĕхсемпе паллаштарать

«Раççей чукун çулĕсем» обществăн куравпа лекци комплексĕ ĕнер Шупашкар станцийĕнче чарăннă.

Раççейри тата ют çĕршывсенчи компанисем хăйсен инноваци проекчĕсене кăтартакан куçса çÿрекен куравпа лекци комплексĕ 2011 çулхи çурла уйăхĕн 3-мĕшĕнче уçăлнă. Экспозици предприятин инноваци продукцийĕн рынокĕн чукун çул транспорчĕ, нанотехнологи, энергетика, ытти енĕпе ĕçлекен компанийĕсемпе пĕрле туса хатĕрленĕ çĕнĕ йышши техникăпа тата технологисемпе паллаштарать.

29 Çу, 2018

Хăçан йĕрке пулĕ?

Шупашкарти çĕнĕ автовокзалпа чукун çул урлă иртме çĕр айĕнчен хывнă каçă хушшинчи территорие хăçан йĕркене кĕртĕç-ши? Кунта малтан киосксем ĕçлетчĕç, пĕчĕк пасар та пурччĕ. Вĕсене пăсрĕç. Анчах тавралăха тирпей-илем кĕртесси пирки манчĕç пулас. Ку вырăнта халăх йышлă çÿрет. Тротуарсем арканнă. Йĕпе-сапа çанталăкра шыв кÿлленсе тăрать, çавна май кунти çулсемпе утма питĕ кансĕр…

И.ВАСИЛЬЕВА, Шупашкар хули.

29 Çу, 2018

Ăçтан укçа çитермелле?

Комсомольски районĕнчи Тукай ял тăрăхĕнче халăхран ялан укçа пухаççĕ. Масар карти тытмалла — 1000 тенкĕ, масар пÿртне тумалла — 1000 тенкĕ, çул сармалла — 1000 тенкĕ, урамсенче çутă тумалла — 500 тенкĕ… Кашни çул пушар машинине тытса тăма 500 тенкĕ ыйтаççĕ. Машини вара ĕçлемест те. Тури Тимĕрчкасси лавккинче тата 200 тенкĕ пухасси çинчен пĕлтерÿ çакса хунă. Ăна кам валли, мĕн тума пуçтараççĕ-ши тата? Пенсионерсен электричествăшăн, газшăн тÿлемелле, налук парăмĕсене татмалла, эмелне туянмалла. Ăçтан укçа çитермелле?

29 Çу, 2018

Çутă сăнарĕ пире ĕмĕр кирлĕ

Чăваш литературин классикĕ К.В.Иванов çуралнăранпа 128 çул çитнине халалланă уяв ĕнер тĕп хулари Хĕрлĕ тÿремре иртрĕ.
Мероприятие ЧР Культура министерствин ĕçченĕсем, поэтсемпе писательсем, Чăваш патшалăх академи драма театрĕн артисчĕсем, И.Я.Яковлев ячĕллĕ ЧППУ, Чăваш патшалăх культурăпа искусствăсен институчĕн студенчĕсем, поэзие юратакансем, общество деятелĕсем хутшăнчĕç.

мая 28th

28 Çу, 2018

Афганистан суранĕ

Анатолий Дмитриевич ЕФИМОВ /ХМЫТ/ – Чăваш Республикин тава тивĕçлĕ учителĕ, çыравçă. Вăл Тутар Республикинчи Аксу районĕнчи Таркăн ялĕнче çуралса ÿснĕ. Унăн пĕрремĕш литература хайлавĕ 1990 çулта «Тăван Атăл» журналта пичетленнĕ. Халĕ Анатолий ХМЫТ ултă кĕнеке авторĕ, вĕсенчен тăваттăшне Афганистанри вăрçа халалланă: «Вилĕмсĕр кăйкăр юрри», «Ан тăк куççуль, аннеçĕм», «Сар Иван» тата «Леш тĕнчерен…» роман дилоги.

28 Çу, 2018

Николай Карлин лартса ÿстернĕ палан патне янă çыру

Аван-и, аякри
паланăмçăм-тăванăм,
Пырса курас килет —
анчах эс пит инçе...
Туяп:
сана юр кĕрчĕ ăшшăн ыталанă,
Тÿлеккĕн тĕлĕретĕн эс
Самар тăрăхĕнче.
Хуçу, мĕн пĕчĕкрен
пăхса ÿстерекенĕ,
Каларĕ сан çырлун
кĕрнекĕ-техĕмĕ çинчен,
Пылпа çисен
ай-ай сипетлĕ-мĕн сĕткенĕ,
Кукăль тусан та
шутсăр тутлăхлă иккен.
Тата чÿлмекпеле
кăмакана лартсассăн,
Сана кăвар хевти
вĕр-витĕрех çапсан,
Паланăм, сан пĕлесчĕ,
виçĕ кашăк тутансассăн —
Этем хăйне туять ăш пиллĕн

28 Çу, 2018

Утас çулу такăр пултăр, «Шуратăл»!

Вăхăт сисĕнмесĕр иртет. Кăçалхи утă уйăхĕнче "Шуратăл" литпĕрлешÿ 30 çул тултарать. Çак хушăра хамăр утса тухнă çула çаврăнса пăхатăп та, алă усса лар-манни савăнтарать. 30 çул хушшинче "Шуратăл" хастарĕсем хăйсен шучĕпе 100 ытла чăвашла, вырăсла кĕнеке кăларма мехел çитерчĕç. Вĕсене "самиздат" тесе калаймăн, мĕншĕн тесен пурне те ятлă-сумлă çыравçăсем редакциленĕ.

28 Çу, 2018

Кам эсĕ – Турă çырни?

Шалтлатса, шăкăлтăк! туса хупăнчĕ хыçра масар алăкĕ. Иртнипе хальхине икке пайласа пысăк пăнчă лартрĕ тейĕн. Масар çинчен тухсан каялла çаврăнса пăхма юрамасть, тени пуçрах-ха Маринăн. Анчах куççуль юхтарса курми пулнă куçĕ умĕнчен кайма, тăнлавĕсем хĕссе ыратакан пуçĕнчен тухма пĕлмерĕ ку ÿкерчĕк.

Pages