Archive - Пуш 2018

март 22nd

22 Пуш, 2018

Трансформер пукан ăсти

Артем Николаев — Канаш районĕнчи Шăхасан шкулĕн чи лайăх вĕренекенĕ, нумай енлĕн аталаннă ача. Ку таранччен тĕрлĕ олимпиадăна, мероприятие хутшăнса шкул чысне сахал мар хÿтĕленĕ. Технологи енĕпе тунă çитĕнĕвĕсем уйрăмах пысăк унăн. Унсăр пуçне физика, географи, информатика предмечĕсен олимпиадисенче пысăк кăтартусемпе савăнтарнă. Республика шайĕнчи физика олимпиадинче кăçал пĕрремĕш теçеткене кĕнĕ.

22 Пуш, 2018

Çын тени мăнаçлă илтĕнет

Максим Горький çуралнăранпа 150 çул çитнĕ ятпа ирттернĕ «Çын тени мăнаçлă илтĕнет» республика конкурсĕ вĕçленчĕ. Ăна К.В.Иванов ячĕллĕ Литература музейĕ, Чăваш Республикин çыравçисен тата художникĕсен союзĕсем ирттерчĕç. Конкурса республикăри шкул ачисем хутшăнчĕç.

Чăваш Енĕн тĕрлĕ кĕтесĕнчен ĕçсем килни савăнтарать. Вăрнар, Йĕпреç, Куславкка, Комсомольски, Шупашкар, Çĕмĕрле районĕсенче, Çĕнĕ Шупашкар, Шупашкар хулисенче пултаруллă çамрăксем пуррине курса ĕнентĕмĕр. Пурĕ 82 ÿкерчĕк пухăнчĕ.

22 Пуш, 2018

Çирĕп чунлисене халалласа

Пуш уйăхĕн 16-мĕшĕнче пушар хăрушсăрлăхĕн Пĕтĕм Раççейри конкурсĕн ачасемпе çамрăксен «Тĕнче — пирĕн алăра» наукăпа практика конференцийĕн республикăри тапхăрĕ иртрĕ. Районта çĕнтернĕ вĕренекенсем Чăваш наци музейне пухăнчĕç. Конкурса Ырă тăвакансен çулталăкне, Раççейри Чрезвычайлă лару-тăрусен министерствин Хăрушсăрлăх культурин çулталăкне, Совет пушар хуралĕ йĕркеленнĕренпе 100 çул çитнине халалланă.

22 Пуш, 2018

Маттурсем!

Пуш уйăхĕн 17-мĕшĕнче ЧПУн чăваш тата вырăс филологийĕпе журналистика факультетĕнче шкул ачисен хушшинче «Наукăна — пĕрремĕш утăм» литература олимпиадин куçăм тапхăрĕ иртнĕ.
Унта Шупашкарти, Куславккари, Муркаш тата Шупашкар районĕсенчи шкул ачисем хутшăннă. Çак тапхăра пĕлтĕрхи олимпиадăсенче тата кăçалхи кăрлачăн 15-мĕшĕнчен пуçласа нарăсăн 15-мĕшĕччен пынă куçăн мар тупăшура çĕнтернĕ ачасем хутшăнма тивĕçнĕ.
l степеньлĕ Диплома Шупашкарти 44-мĕш лицейра 7-мĕш класра вĕренекен Татьяна Яковлева тивĕçнĕ.

22 Пуш, 2018

Укçа «диетине» пăхăнтарса начарлатаççĕ

Çуркунне çывхарнă май хĕр-хĕрарăмсем начарланма тăрăшаççĕ. Специалист пулăшмасăр ку тĕллеве пурнăçлама йывăр тесе шухăшлакансем валли Шупашкарта та клиникăсем пур. Çавсенчен пĕринче темиçе хутчен те шăнкăравласа чĕннĕччĕ. Телефон номерне ăçтан тупаççĕ-ши? Юлашки хутĕнче вара килĕшрĕм. «Тÿлевсĕр диагностика», «парне», «йÿнетнĕ хакпа» тенисем кăмăла çавăрчĕç. Унран та ытларах çав клиникăра мĕн сĕнни, мĕнле меслетпе начарлатни çинчен сире, хисеплĕ вулакансем, каласа кăтартас килчĕ.

22 Пуш, 2018

Сусăр ачапа — дачăра

Любовь Владимирова 12 çулти сусăр хĕрĕпе Канашра, Йĕпреçе каякан çул хĕрринчи коллектив садĕнчи дачăра, тĕпленнĕ. Çемьен хваттер те, çурт та çук.

12 çулта — тăхăр операци

22 Пуш, 2018

Хĕрĕн аскăнлăхĕ амăшне тĕрмене çитернĕ

Канаш районĕнчи пĕр ялта 47-ри хĕрарăм пĕрле пурăнакан арçыннине вĕлерме тăнă, ăна çĕçĕпе икĕ хутчен чикнĕ. Мĕншĕн? Хайхискер саккунлă мар упăшкине тăван хĕрĕпе тытнă. Кÿршĕсем чупса пынă, васкавлă медицина пулăшăвĕ хăвăрт çитнĕ. Суранланнăскер чĕрĕ юлнă. Ĕç-пуç 2017 çулхи раштавăн 1-мĕшĕнче пулнă. Иртнĕ эрнере çак хĕрарăм тĕлĕшпе приговор кăларнă.

«Ачусем валли канфет-пĕремĕк туянтăн-и?»

Pages