Archive - Jan 2018

Date
  • All
  • Jan
  • Feb
  • Mar
  • Apr
  • May
  • Jun
  • Jul
  • Aug
  • Sep
  • Oct
  • Ноября
  • Dec
Type

январь 30th

Маршруткăран антăм та больница еннелле васкаса утрăм. Ĕç пуçланиччен вăхăт самаяхчĕ, çавах та чун теме сиссе кăкăрта йăшкаса илчĕ. Больница алăкне хăвăрттăн уçса ятăм та картлашка тăрăх иккĕмĕш хута чупса хăпартăм. Васканипе хамăн ĕç пÿлĕмĕ умне мĕнле çитсе тăнине те ăнкарса илеймерĕм. Мана кĕтекен çынсем яланхилле манран маларах килсе ларнă. Этемсен чунĕ çапла ĕнтĕ, маларах килсен темшĕн-çке килĕсене маларах кайнăн туяççĕ хăйсене. Хăшĕ-пĕрисем ман пата чунĕсене уçса лăплантарма, тĕрĕс хурав тупма темиçе хут та килнĕ ĕнтĕ.

Пĕчченех ÿстерчĕ хĕрне Кçени. Упăшки Георги кÿршĕ ялтан таврăннă чухне колхоз председателĕн машини айне лекрĕ. Лешĕ, ÿсĕрскер, УАЗикне питĕ хытă хăваланă, пăрăнчăкра рулĕ выляса кайнипе çул хĕррипе пыракан Георги çине кĕрсе кайнă. Телефон юпи çеç чарма пултарнă «ĕрĕхсе» кайнă тăватă «кустăрмаллă ута». Ашшĕ пулма хатĕрленекен арçын самантрах çут тĕнчерен уйрăлнă. Председатель, тăватă ача ашшĕ, çур çула яхăн пульницăра сипленнĕ. Арăмĕпе хĕрĕсем ăна палатăран инвалид кÿмипе илсе тухнă.

Ĕмĕр сакки сарлака, тенĕ чăвашсем. Ку тапхăрта пурнăç тем тĕрлĕ те çаврăнать. Кирек хăш çула çитсессĕн те çын лайăххине шанать, ĕненет, ăна пуласлăхра курать. Çакă ăна малашне пурăнма вăй-хăват парать.

Кашни çын пурнăçĕнче кулăшла самантсем сахал мар сиксе тухаççĕ. Çулсем иртнĕ май хăшĕсем манăçаççĕ. Теприсем ĕмĕрлĕхех асра юлаççĕ. Вĕсем хитре юрă-кĕвĕ, тĕрĕ пекех, ламран-лама, ăруран-ăрăва куçса пыраççĕ, халăх пултарулăхĕн уйрăлми пайĕ пулса каяççĕ.

– Хыçа хăварнă çул çине çаврăнса пăхатăп та кăмăлăма салху туйăм иленнине сисместĕп-ха, — калаçăва çапла пуçласа ячĕ Пантелеймон Ермошкин, Йĕпреç тăрăхĕнчи ятлă-сумлă çынсенчен пĕри. — Кулянма пĕр сăлтав та çук манăн. Шăпам пилленĕ çулпа тĕрĕсех утса пытăм. Тĕллевĕме пĕтĕмпех пурнăçларăм пуль. Пархатарлă ĕç тивлетне туллин туйса тăма тивĕçĕм пур пек... Калаçма чарăнчĕ те ман çине ыйтуллăн пăхса илчĕ, унтан васкамасăр çапла хушса хучĕ:

РФ Пенси фончĕн Чăваш Енри уйрăмĕн управляющийĕ Роза Кондратьева республикăри массăллă информаци хатĕрĕсен журналисчĕсене, курав çыхăнăвĕн мелĕпе пресс-конференцие хутшăннă ĕçтешĕсене 2018 çулхи пенсисемпе, тÿлевсемпе, ĕçлекен пенсионерсем тĕлĕшпе палăртнă çĕнĕлĕхсемпе, социаллă пенсин çĕнĕ тĕсĕпе, патшалăх служащийĕсен пенсине палăртмалли условисемпе, социаллă программăсене хутшăннипе паллаштарчĕ.

Хурт-хăмăр парнелекен тĕп тата хушма çимĕç сиплĕхне çынсем çĕр-çĕр çул каяллах лайăх ăнланса илнĕ, ватăличченех чирлемесĕр пурăнасчĕ тата ĕмĕре тăсасчĕ тесе вĕсемпе усă курма тытăннă.

Кăçал Шупашкарта Пĕтĕм тĕнчери парамузыка фестивалĕ иртĕ. Юрă-кĕвĕ уявне авăн уйăхĕн 4-5-мĕшĕсенче ирттерме палăртнă.

2009 çултанпа йĕркелекен фестиваль Раççейри 20 ытла регионти сусăр артистсен пултарулăх лапамĕ пулса тăнă. Унта çавăн пекех Аргентина, Беларуç Республики, Итали, Китай, Чехи çыннисем хутшăнаççĕ. Юлашки çулсенче фестивале Брянск, Калуга, Саранск хулисем йышăннă.

Pages