Archive - Ноября 2017

ноябрь 29th

«Икĕ алла — пĕр ĕç», — тенĕ те Лариса Федорова тĕп бухгалтертан фермера куçнă. Кăçал «Фермер ĕçне пуçăнакан» программăна хутшăнса патшалăх пулăшăвне тивĕçнĕ.

Лариса НИКИТИНА.

ноябрь 28th

Чÿк уйăхĕн 25-мĕшĕнче Мускавра Раççей Журналистсен союзĕн XII съезчĕ иртрĕ. Çĕршывăн мĕн пур регионĕнчен унта 700 яхăн çын, çав шутра ЧР Журналистсен союзĕнчен 10 делегат, хутшăнчĕ.

Студент çулĕсенче, иртнĕ ĕмĕрĕн 90-мĕш çулĕсенче, мĕн пур информацие библиотекăсенчи вулав залĕсене çÿресе хаçат-журналтан, кĕнекесенчен илнĕ. Халĕ вара интернетсăр пурăнма май çук. Информацие урăхла майпа шырасси пирки паян, тĕрĕссипе, шухăшламастпăр та-и? Интернетри сайтсене çĕр чăмăрĕ çинчи кашни çыннах кĕме, хыпарсемпе паллашма пултарать.

ноябрь 27th

«Пичче çырать, унăн кăранташ пур. Манăн та тем пек çырас килет, анчах кăранташ çук. Пиччерен ыйтас — вăл та параймасть: вĕсене шкулта кашни ачана çуршар кăранташ кăна татса панă.

Акă пĕррехинче пичче хут çине çын кĕлетки ÿкерме тытăнчĕ. Çÿçне сăрласа ларнă чух пăт-тăрт! туни илтĕнчĕ. Кăранташ вĕçĕ хуçăлчĕ хайхи. Куçран çиллессĕн пăхрĕ те кăранташ вĕçĕпе çамкаран кăт! тĕкрĕ: «Кай кунтан!» — терĕ. Кăранташ вĕçĕ эпĕ ăмсанса пăхса ларнăран хуçăлчĕ терĕ пуль-и?

Амăшĕн кунĕ умĕн республикăра Ача йышăннă çемьесен форумне ирттересси йăлана кĕчĕ. Кăçалхипе пиллĕкмĕш хут иртрĕ вăл. Тăлăхсемпе ашшĕ-амăшĕн хÿтлĕхĕсĕр юлнă ачасене хăйсен çуначĕ айне илекенсен пĕрле пухăнса сÿтсе явмалли сахал мар. Çивĕч ыйтусене сÿтсе явасси, пĕр-пĕрин опычĕпе паллашасси, влаç органĕсемпе канашласси — анлă пухăва çакнашкал тĕллевсене тĕпе хурса йĕркелеме тытăннă.

Pages