Archive - Юпа 2017

юпа 5th

5 Юпа, 2017

«Тÿрех ăслă çуралмалла»

Татьяна Смирнова, Ксения Моисеева, Александр Петров, Георгий Максимов — вĕренÿ отличникĕсем. Вĕсем тăваттăшĕ те Шупашкар районĕнчи Ишлейри шкулта 4 -мĕш «б» класра ăс пухаççĕ. Ку çул та лайăх паллăпа кăна вĕренмешкĕн тĕллев лартнă.

5 Юпа, 2017

Вĕрентекен ачи пулма лайăх-и?

«Вĕрен! Вĕрен! Вĕрен!» — текен хĕвел чунлă вĕрентекен», — çырнă хăйĕн сăввинче Раиса Сарпи. Чăнах та, мĕн тери çепĕç кăмăллă, хĕвел пек ăшă та сăпайлă вĕсем — пирĕн вĕрентекенсем! Вĕсем ывăнма пĕлмесĕр, ачасене тарăн пĕлÿ парас тесе питĕ нумай тăрăшаççĕ. Вĕрентекенĕн кашни ачапа пĕр чĕлхе тупма пĕлмелле, уншăн ялан тĕслĕх пулмалла.

5 Юпа, 2017

Ветеран-педагогсене манмаççĕ

Юпа уйăхĕн 1-мĕшĕнче Вăрмар районĕнчи Пысăк Енккасси шкулĕн волонтерĕсем, Раççейри шкул ачисен юхăмĕн хастарĕсем, Пĕтĕм Раççейри «Чунпа çамрăк» акцие хутшăннă.

5 Юпа, 2017

Е улахра, е вăйăра

«Йăла саккунпа тан», — тенĕ мĕн ĕлĕкрен. Çак каларăшăн пĕлтерĕшне Шупашкар районĕнчи Шемшер шкулĕнче вĕренекенсемпе садике çÿрекен ачасем те çирĕплетеççĕ. Юрă-кĕвĕ тĕнчине иленнĕскерсем чăваш тумтирне кăмăлпа тăхăнаççĕ, кирлех пулсан шăпăрлансем çăпата та сыраççĕ.

юпа 4th

4 Юпа, 2017

Штраф тÿлени пулăшрĕ

Çеменпе Укахви Карповсен тăватă ывăлпа пĕр хĕр. Пурте Шупашкарта пурăнаççĕ. Пĕррехинче уяв сĕтелĕ хушшинче ашшĕ çут тĕнчерен уйрăлас умĕн кил-çуртне кама халалласа хăварас пирки сăмах хускатрĕ.

— Эпĕ малтан кашнин патне хăнана çитсе килем-ха. Хăшĕ лайăхрах сăйлать — çурта ăна халаллатăп, — терĕ кил хуçи.

— Халала черккепе çыхăнтарни килĕшÿллех мар, — хирĕçлерĕ арăмĕ, упăшкинчен вунă çул кĕçĕнрехскер.

4 Юпа, 2017

«Пурнăç суха пуç тытма хăнăхтарчĕ»

«Эпир, вăрçă ачисем, çултан-çул сахалланса пыратпăр. Ара, пирĕн пурнăç йывăр саманара иртрĕ-çке. Хам та çак çула çитессе шухăшламан», — калаçăва пуçларĕ Муркаш районĕнчи Исетерккĕ ялĕнче кун кунлакан Мария Викторова.

Pages