Archive - 24 Утă, 2014

24 Утă, 2014

Техника шанчăклă ĕçлетĕр, инкек ан кÿтĕр

Министрсен Кабинечĕн ларăвĕсене республика Пуçлăхĕ ирттернĕ чух кашнинче тенĕ пекех кун йĕркине кĕмен, анчах пĕр-пĕр çивĕч ыйту çĕклет те - калаçу кăшт вăрахарах каяканччĕ, ĕнер вара ларăва вăл мар, Правительство пуçлăхĕ Иван Моторин ертсе пычĕ. Те çавăнпа - лару вăрăм пулмарĕ.

24 Утă, 2014

Общество транспорчĕпе çÿренĕшĕн

Чăваш Енре пурăнакансем кăçал пĕрремĕш çур çулта общество транспорчĕпе çÿренĕшĕн универсал электрон карттăпа /УЭК/ усă курса 17974 хут тÿленĕ. Вăтамран уйăхра çул çÿренĕшĕн УЭКпа 3 пин ытла хут тÿлеççĕ. Карттăпа çак тĕллевпе кăрлач уйăхĕнче чи сахалли усă курнă - 2333 хут, чи нумаййи - пуш уйăхĕнче /3460 хут/. Çакнашкал кăтартусемпе паллаштарать "Пĕрлехи транспорт картти" ООО.

24 Утă, 2014

Уявсем çынсене çывăхлатаççĕ

Юлашки çулсенче ырă юхăм вăй илет: йăхташăмăрсем мăн асаттесен вăхăтĕнче туса ирттернĕ йăла-йĕркене чĕртсе тăратма тăрăшаççĕ. Акатуй, акă, чăвашсемшĕн кăна мар, урăх халăх çыннисемшĕн те юратнă уяв пулса тăчĕ. Мăнкун, Çимĕк, Питрав, Илен... Ытти уявра ял-йыш, кÿршĕ-аршă, тăван-пĕтен пĕрле пухăнса савăнать. Чăваш Енре çеç мар, республика тулашĕнче пурăнакан ентешĕмĕрсем те авалхи йăла-йĕркене упраса хăварма тăрăшни пирки хыпарлаççĕ.

24 Утă, 2014

Ялти культура управçи

Ялти культура çурчĕ - халăх сăпки, йăла-йĕркене упракан вучах. Йĕпреç районĕнчи Кĕлĕмкассинчи информаципе культура центрне ял çыннисем хаваспах çÿреççĕ. Кунта вĕсем хăйсене кирлĕ, хисеплĕ çынсем пек туяççĕ.

24 Утă, 2014

Кокорева халалласа - курав

Комсомольски салинчи "Çĕр тата çынсем" музейра тавра пĕлÿçĕ, вĕрентекен, асăннă аваллăх управçине пуçарса яраканĕ, ЧР культурăн тава тивĕçлĕ ĕçченĕ Б.Г.Кокорев çуралнăранпа 95 çул çитнине халалласа курав уçнă.

24 Утă, 2014

Тарса килнĕскерсене тĕрев кирлĕ

Ытлари кун Чăваш Ен Пуçлăхĕ Михаил Игнатьев Раççей Правительствин председателĕ Дмитрий Медведев видеоконференци мелĕпе ирттернĕ селектор канашлăвне хутшăннă. Унта тĕпрен илсен Украинăри Донецк тата Луганск облаçĕсенчен Раççей территорине килекен çынсене регистрацилес, вырнаçтарас ыйтусене сÿтсе явнă.

24 Утă, 2014

Манăçа тухнă çил арманĕ

Ку сăн ÿкерчĕке иртнĕ ĕмĕр вĕçĕнче Çĕрпÿ районĕнчи Туçи çывăхĕнче тунăччĕ. Шел, хирте тăлăххăн ларакан çил арманĕн хуçи камне пĕлме май килмерĕ ун чухне. Хăй вăхăтĕнче вăл ку тăрăхри халăха тăрантарса тăни иккĕлентермест паллах. Космос ĕмĕрне кĕричченхи хăйне евĕрлĕ палăк паянччен сыхланса юлнă-ши - пĕлместĕп.

24 Утă, 2014

Киловатт-сехетсене - тĕрĕс тараса çине

«Акă, пирĕн Çурçĕр производство уйрăмĕн ертÿçисем электричество вăрланине çирĕплетнĕ çынсем тĕлĕшпе черетлĕ административлă ĕçсем пуçарма сĕнеççĕ, - каласа парать «Атăл çинчи МРСК» АУОн /«Россети» АУО ГК тытăмне кĕрет/ «Чăвашэнерго» филиалĕн директорĕн хăрушсăрлăх енĕпе ĕçлекен çумĕ Николай Миронов сĕтел çинчи хутсене кăтартнă май, - пĕр тĕслĕхре киловатт-сехетсене 5 пин ытла тенкĕлĕх вăрланă, тепринче килĕшÿ тумасăр усă курнă энерги хакĕ 3 пин тенкĕрен иртнĕ». Пит çирĕп айăплав мар-ха.

24 Утă, 2014

Хаçат пĕлтерĕшлĕрех-и е массаж-и?..

Шупашкар районĕнчи «Тăван Ен» хаçат ĕçченĕсем пире, штатра тăман корреспондентсене, тĕл пулăва йыхравларĕç. Редакцин Шупашкарта вырнаçнă çĕнĕ кантурĕнче халĕччен пулманскер хапăлласах килĕшрĕм.

24 Утă, 2014

Валерий Комиссаров: «Вĕренÿ кĕнекисем ырă туйăм парнелеççĕ»

Педагогсен шухăшĕпе - вĕренÿ процесĕнче учебниксен пĕлтерĕшĕ çав тери пысăк. Çавăнпа та вĕсене вĕрентекенĕн ĕçĕнчи хушма пай пек çеç пăхни тĕрĕсех мар. Хальхи вăхăтра шкул учебникĕсем пысăк информациллĕ кĕнекесем шутланаççĕ. Вĕсенче практика занятийĕсене ирттермелли кăтарту, теори материалĕ чылай. Тĕплĕ шухăшласа йĕркеленĕ, кăсăклантарма пултаракан вĕренÿ кĕнекисем ачана ку е вăл предметпа пĕлÿ ытларах илме май параççĕ.

Pages