Archive - 25 Нарăс, 2014

Вăрнар районĕнчи Чиркÿллĕ Хапăсра çуралнă, çак ялти шкулта 35 çул учительте ĕçленĕ Анатолий Цветков поэт пурнăçĕпе ĕç-хĕлĕ тата йăх-несĕлĕ пирки вулакансене каласа памалли чылай пухăнчĕ.

Улттăмĕш класс пĕтернĕ хыççăн çуллахи каникул вăхăтĕнче шкул пахчинче тухăçлă çимĕç çитĕнтертĕмĕр. Пире Анатолий Александрович вĕрентсе-кăтартса пычĕ. Практикăра хастар пулнăшăн тав турĕ, сăн ÿкерчĕ, кашнине парнелерĕ. Çавăн чухне эпĕ, вун иккĕри ача, пĕрремĕш хут фотоаппарат куртăм. Çав вăхăтра ÿссен кам пулассине чухламан...