Archive - 6 Раштав, 2014

Декабрĕн 4-мĕшĕнче Чăваш Ен Пуçлăхĕ Михаил Игнатьев Мускавра Пĕтĕм тĕнчери VIII «Раççей транспорчĕ» форума тата курава хутшăннă.

Куравра Чăваш Ен экспозицийĕ те пур. Вăл республикăн тĕп хулине никĕсленĕренпе - 550, Чăваш автономи облаçне туса хунăранпа 100 çул çитнине уявлама хатĕрленнĕ май Шупашкарти çул-йĕр строительстви тата реконструкцийĕ енĕпе пурнăçлакан ĕçсемпе паллаштарать. Çавăн пекех М-7 автоçулăн Чăваш Енри сыпăкĕн реконструкцийĕ çинчен калакан информаци те пур.

Михаил ИГНАТЬЕВ, Чăваш Республикин Пуçлăхĕ:

Çитес çул тĕнче историйĕнче манăçми йĕркесемпе çырăнса юлнă Тăван çĕршывăмăрăн Аслă вăрçи пирĕн халăхăн паттăрлăхне, пĕтĕçÿлĕхне пула Çĕнтерÿпе вĕçленнĕренпе 70 çул çитет. Çĕршыв ăна чыслăн, тивĕçлипе кĕтсе илме хатĕрленет.

Округри Граждан обществисен институчĕсене аталантарас енĕпе ĕçлекен общество канашĕн ларăвĕ хыççăн Раççей Президенчĕн федерацин Атăлçи округĕнчи полномочиллĕ представителĕ Михаил Бабич Правительство çуртĕнче Чăваш Республикинче Тăван çĕршывăн Аслă вăрçинче çĕнтернĕренпе 70 çул çитнине уявлама хатĕрленес ыйтусемпе канашлу ирттерчĕ.

Сĕтĕн сутлăх хакĕпе çыхăннă калаçăва малалла тăсатпăр. «Хыпар» ыйтăвĕсене ЧР патшалăх ветеринари службин ертÿçи Сергей СКВОРЦОВ хуравлать

- Сĕте тирпейлекен предприятисемпе ăна пуçтаракан организацисен ертÿçисем килти хуçалăхсенчен туянакан продукци пахалăхĕпе кăмăлсăр. Ăна лайăхлатĕç-ши?

- Лайăхлатаççех, - терĕ Сергей Иванович. - Пысăк тата вăтам хуçалăхсем 2013 çулта - 14, кăçал 27 проценчĕ чи паха сĕт сутнă, заводсен премине тивĕçнĕ.

Елчĕк район администрацийĕн пуçлăхне Николай Миллина Чăваш Республикин Пуçлăхĕн Михаил Игнатьевăн кăçалхи ноябрĕн 19-мĕшĕнчи Указĕпе килĕшÿллĕн «Чăваш Республики умĕнчи тава тивĕçлĕ ĕçсемшĕн» орден медалĕпе наградăланă.

Йышăну кунне пĕтĕмлетнĕ

«Пирĕн тĕллев - çынсен çивĕч ыйтăвĕсене татса пама пулăшасси, - терĕ Н.Николаев. - Ĕçĕн тĕп йĕрки çавнашкал: кашни çырăва тĕплĕн пăхса тухмалла, кашни çынпа калаçмалла».

Республикăри 283 вырăнта 781 çынпа, вăл шутра парти председателĕн общество йышăнăвĕн пÿлĕмĕнче 58-шĕпе тĕл пулнă. Вĕсен ыйтăвĕсем пурăнмалли çурт-йĕрпе коммуналлă хуçалăхпа, социаллă пулăшу кÿрессипе, пурнăçа лайăхлатассипе çыхăннă.

Çĕнĕ çул уявĕ тата шкулсенче хĕллехи каникул çывхарнă май РФ Президенчĕ çумĕнчи ачасен правине хÿтĕлекен уполномоченнăй Павел Астахов пуçарнипе «Çĕнĕ Раççее - уяв чăрăшĕ» акци вăй илчĕ. Унăн тĕллевĕ - ДНР тата ЛНР ачисене Çĕнĕ çул парнисемпе чăн-чăн уявпа савăнтарасси. Сăваплă ĕçĕн партнерĕ Аслă Василий çветителĕн ыркăмăллăх фончĕ шутланать.

Инвалидăн ĕçпе тивĕçтерекен центрта учета тăмашкăн мĕнле документсем кирлĕ.

Е.ИВАНОВА

Çĕнĕ Шупашкар хули.