Archive - 27 Раштав, 2014

«Республикăра паракан пĕтĕм шалура вăрттăн тÿлевсен тÿпи мĕн чухлĕ-ши?» - çапла ыйтрĕ ЧР Пуçлăхĕ Михаил Игнатьев суд приставĕсенчен тата ытти ведомство ертÿçисенчен. Шел те, уçăмлă хурав илтеймерĕ. Сăмах бухгалтери шутлавне кĕмен, çынсене конвертпа тыттарнă укçа пирки пырать. Çавнашкал тĕслĕх тупса палăртман иккен. Анчах сас-хура çÿрет-çке. Тĕрĕслевçĕсене: «Мана ĕç укçине конвертпа тыттарчĕç», - тесе кам пырса евитлĕ?

Федерацин Наркотĕрĕслев службин Чăваш Енри управленийĕн ведомствăсен профилактика сферинчи хутшăнăвĕсен уйрăмĕн ĕçченĕсем Уçă алăксен кунне ирттерчĕç.

Çĕнĕ çулпа çыхăннă уяв кунĕсенче республикăра савăнăçлă 1,7 пин мероприяти ирттерме палăртнă. Вĕсене 150 пин çын хутшăнать. Çавна май, паллă, хăрушсăрлăха тивĕçтерни пысăк пĕлтерĕшлĕ.

Çутă тăрă кÿлĕсемпе, тăпăл-тăпăл çуртсем тирпейлĕн ларса тухнă пысăках мар ялсемпе çыхăнать манăн ăнра Тăвай тăрăхĕ.

Турра юратакан чунсен кĕтÿçисене, таса та тÿрĕ пурăнакан манахсене, Чăваш Митрополийĕн, Шупашкарпа Чăваш епархийĕн, Чăн тĕне тытакан Вырăс Чиркĕвĕн Турра ĕненекен мĕнпур ачисене

Мухтав Çÿлти Турра, çĕр çине канăçлăх килчĕ, çынсене ырăлăх çитрĕ.

Сывлăх сыхлавĕ этем пурнăçĕшĕн пĕлтерĕшли пуриншĕн те паллă, пирĕнтен кашниех тăтăшах пациент пулса тухтăр хÿтлĕхне кĕтет, медицина пулăшăвĕ пахалăхлă пулнипе кун-çулăмăр тăнăçлăхĕ уйрăлми çыхăннине ăнланать.

Кăçалхи ноябрь варринче Вологда тăрăхĕнче пурăнакан çывăх тăванăн юбилейĕнче пулма тÿр килчĕ. Çул çинче икĕ эрне яхăнах иртсе кайнине сиссе те юлаймарăм. Раççейĕн çурçĕр-хĕвеланăç енче вырнаçнă вăрманлă-юханшывлă тăрăхри хĕрÿ чун-чĕреллĕ çынсемпе ирттернĕ тĕлпулусем асăма яланлăхах кĕрсе юлчĕç.

Тĕпрен юсанă хыççăн çĕнĕрен уçăлнă ача сачĕ хĕвел шевлисемпе тулса çуталнăн тата чиперленнĕн туйăнчĕ. Хитре, илемлĕ ята - «Хĕвел» - тÿрре кăларнăнах. 25 ача хăйне юмах тĕнчине лекнĕнех туйрĕ пулĕ.

Чулхулара РФ Президенчĕн Атăлçи округĕнчи полномочиллĕ представителĕ Михаил Бабич Атăл тăрăхĕнче пурăнакансене патшалăх наградисемпе чысланă.