Archive - 13 Раштав, 2014

13 Раштав, 2014

Энĕшпуçсем - хăрушсăрлăхшăн

Вут-кăварпа кĕрешекенсен постне йĕркеленĕренпе 85 çул çитрĕ

Вăрмар районĕнчи Энĕшпуç ялĕнче пушар сÿнтерекенсен постне туса хунăранпа 85 çул çитрĕ. Çакна ялта анлăн та савăнăçлăн палăртрĕç.

13 Раштав, 2014

Элĕксем... “çапăçма” хатĕрленеççĕ

Элĕк тăрăхĕнче кĕрлесе тăракан юрă-кĕвĕ çак кунсенче таçтан аякранах илтĕнет теççĕ: ара, ялĕ-ялĕпе пухăнса репетицисем ирттереççĕ-çке. Шÿт-им - Раççейре кăçал Культура çулталăкĕ вĕçленсе пынине кунта “Хорсен çапăçăвĕпе” вĕçлеме палăртнă!

13 Раштав, 2014

Ентешсен парнисемшĕн

Красноармейскинчи физкультурăпа сиплев комплексĕнче «Трак ен» ентешлĕх членĕн, «Сенкер» акционерсен уçă обществин генеральнăй директорĕн Виктор Николаевăн парнисене çĕнсе илессишĕн сĕтелçи теннисла выляссипе турнир иртрĕ.

13 Раштав, 2014

Пылак «Нарспие» çитекен çуках

Тăватă çулта пĕрре кулинари енĕпе Тĕнче кубокĕ иртет. Кăçалхи ноябрь вĕçĕнче ăна Люксембургра йĕркеленĕ. Ăмăртăва 86 патшалăхри 160 кондитер хутшăннă. Раççей командин йышне чăвашсем пĕрремĕш хутчен кĕнĕ. Дебют ăнăçлă çеç мар, чаплă иртнĕ темелле.

13 Раштав, 2014

Хваттер туянас тенĕччĕ те...

Лавккасенче хуратул кĕрпи кăна мар, мĕнпур апат-çимĕç хакĕ ÿсни сисĕнет. Октябрь уйăхĕнче кăна сад-пахчара панулми çĕрсе выртатчĕ пулсан тепĕр çур уйăхранах Шупашкар пасарĕсенче унăн хакĕ 50-60 тенке çывхарчĕ. Уявсем умĕн ытти çĕршывра йăлтах йÿнетме, акцисем йĕркелеме тăрăшаççĕ пулсан пирĕн патра Çĕнĕ çул умĕн те, ун хыççăн та хаксене хăпартаççĕ те хăпартаççĕ. Ĕç укçин унран юлмасăр упаленсе пырасчĕ те çав. Çапах апат-çимĕç хакĕ, хваттерпе танлаштарсан, вак-тĕвек пек кăна туйăнать.

13 Раштав, 2014

Шур хурăнсем те кулянаççĕ

Афган вăрçин паттăрне Владимир Тукмакова Çĕнĕ Ахпÿртре ватти-вĕтти таранах пĕлет. Ăна вунтăхăр çултах Хĕрлĕ Çăлтăр орденĕпе наградăланă. Шел те, Володьăн ĕмĕрĕ вăрăмах пулайман. 39 çултах пурнăçран уйрăлнă вăл. Ăна тăван тăрăхĕнче манмаççĕ. Ун ячĕпе Çĕнĕ Ахпÿртре кашни çулах хоккей турнирĕ иртет.

Федор Петровичпа Александра Макаровна патне кĕрсе, тен, йăнăш та турăм-и? Ывăлĕ пирки аса илтерсе амăшĕн чунне татах та ыраттартăм-çке. Аслă ывăлĕн Володьăн пысăклатнă сăнÿкерчĕкĕсем çине пăхса йĕчĕ вăл.

13 Раштав, 2014

Çамрăк спортсменсем паттăрăн ятне асра тытаççĕ

Çак кунсенче Çĕнĕ Шупашкарти Олимп резервĕсен ятарлă 3-мĕш спорт шкулĕн керменне çăмăл атлетсем пухăнчĕç. Унта Совет Союзĕн Геройне Николай Дудецкие асăнса хуласен турнирĕ иртрĕ.

Маттур салтакран полковник таран

13 Раштав, 2014

Ула куракран хыпар пултăр

Çар комиссариачĕ пĕр каччăна салтака кайма хут тыттарать. Çĕршывăн пулас сыхлавçине ыр сунса ял халăхĕ ăна ăсатма яланах йышлă пухăннă. Халĕ те салтак каччи хăйпе çывăх тăнă пĕлĕш-тантăшне ăсату каçне пыма чĕнсе çÿрет. Урамра хăйĕнчен чылай аслăскерне курсан унăн кăмăлне хуçас темест - ăсату каçне пыма чĕнет.

Çакскер, янтине хăнăхнăскер, килне çитет те арăмне, «Пĕлетĕн-и, Анаткасри Кольăна салтака илсе каяççĕ, çав ятпа ун патне çамрăксем пухăнаççĕ, урамра тĕл пулчĕ те мана та пыма чĕнчĕ», - тет.

Pages