Archive - Юпа 2014

юпа 28th

28 Юпа, 2014

Тарса килнисем тав тунă

Чăваш Ен Пуçлăхĕн Михаил Игнатьевăн ячĕпе Украинăн кăнтăр-хĕвел тухăç облаçĕсенчен тарса килнĕ Василенкăсен, Весельскисен, Куповсен тата Семакинсен çемйисенчен çыру килнĕ. Вĕсем республика ертÿçисене тата Чăваш Енре пурăнакансене хăйсемшĕн çăмăл мар тапхăрта пулăшнăшăн, ăнланнăшăн тав тăваççĕ.

28 Юпа, 2014

Кирек хăш вăхăтра та «Трудра» йĕркеллĕ

ЧР Ял хуçалăх министерствипе Патшалăх техника тĕрĕслевĕн инспекцийĕ йĕркеленипе республикăри аграрниксем Патăрьел районĕнчи «Труд» ял хуçалăх производство кооперативĕн машина-трактор паркĕнче пухăнчĕç. Кунта ял хуçалăх техникине хĕл каçарма лартассипе республика семинар-канашлăвĕ иртрĕ. Ял-йыш шанăçне чĕрĕк ĕмĕр ытла пурнăçлакан Николай Михайлов ертÿçĕ çак енĕпе пухнă паха опычĕпе кĕскен паллаштарчĕ.

28 Юпа, 2014

Пирĕн пĕр-пĕринпе пайламалли çук

Чăваш Ен экстремизмшăн хупă-и? Унта сирпĕтеççĕ, лере вĕлереççĕ, кунта хĕсĕрлеççĕ - тĕнче кисренет кăна. Раççей те, шел, терроризм, экстремизм, национализм пирки илтнĕ тăрăх çеç пĕлмест - киревсĕр çак пулăмсен усал витĕмне-сиенне тÿсет. Телее, ку енĕпе илсен Чăваш Енре лăпкă пек.

28 Юпа, 2014

«Ирхи сывлăмлă фиалка»

Нумаях пулмасть «Советская Чувашия» хаçат Михаил Мерченĕн «Куçĕсем!.. Ах, куçĕсем!» кĕнеки çинчен «...эмоции писателя перехлестывали через край» тесе хыпарларĕ. Вăл пĕртте ÿстерсе каламан. Вулакансем ăна кăмăллăн йышăнчĕç.

28 Юпа, 2014

Анисим Асламаса асăнса

Пурăннă пулсан чăвашсен мухтавлă композиторĕ, РСФСР тата Чăваш АССР искусствăсен тава тивĕçлĕ деятелĕ Анисим Асламас /Васильев/, Тăван çĕр-шывăн Аслă вăрçине хутшăннă совет салтакĕ кăçал 90 çул тултармаллаччĕ. Шел, çепĕç юрăсемпе романссен, вун-вун ораторипе сонатăсен, çавăн пекех пысăк калăплă хайлавсен авторĕ 2000 çулта пирĕнтен яланлăхах уйрăлса кайрĕ.

28 Юпа, 2014

«Здрасте» лайăх-и, «Килĕрех» аван-и?

Эпĕ, Тăхăрьял тăрăхĕнче ÿссе çитĕннĕ «чăваш чĕппи», шкула кайиччен вырăсла калаçма та пĕлмен. Ялта - Элшелте - мĕн авалтанпах вырăссемпе хутшăнса курманскерсем чăн чăвашла калаçса ирттернĕ. Ун чухне кÿршĕ-и е аякран килнĕ çын-и хальхи пек «Здрасте» темен, ун вырăнне: «Ман килес», - тенĕ. Вара ăна: «Килĕрех, килĕрех», - тесе кăмăлтан кĕтсе илнĕ.

28 Юпа, 2014

Çĕр çинче те, шывра та спортсмен-кооператорсем çине тăрса тупăшрĕç

Потребительсен кооперацийĕсен ĕçченĕсен XII спортпа сывлăх спартакиади чи илĕртÿллĕ ăмăртупа - шывра ишекенсен эстафетипе - вĕçленчĕ. Вăл юпа уйăхĕн 16-мĕшĕнче Етĕрне районĕнчи «Присурье» физкультурăпа спорт комплексĕнче пулчĕ.

28 Юпа, 2014

«Приговор хаяр, анчах тĕрĕс»

Çапла хакларĕ Шупашкар районĕн прокурорĕн çумĕ Анатолий Иванов судăн тĕп хулан 28 çулти çамрăкĕ тĕлĕшпе палăртнă приговорне. Сăмах - Шупашкар районĕнче «Шупашкар-Сурски» çул çинче кăçалхи утă уйăхĕн 20-мĕшĕнче пулнă инкек пирки.

Pages