Аделина - топ-8 списокра
4 Feb, 2016 | Спорт

Forbes журнал хăйне евĕр бизнес-проекта инвестици хывнă топ-8 спортсменсен списокне хатĕрленĕ. Унта пăр çинче эрешлесе ярăнакан Аделина Сотникова та кĕнĕ.

Аса илтерер: Аделинăн тымарĕсем - Чăваш Республикинчен. Кунта унăн аслашшĕ Александр Кочетов, Совет Союзĕн Геройĕ, пурăннă. Спортсменка 2014 çулта Сочире иртнĕ Олимп вăййисенче ылтăн медаль çĕнсе илнĕ. Пĕлтĕрхи юпа уйăхĕнче Аделина Мускавра маникюр студине уçнă, ун çумĕнче хĕрарăмсен хупă клубне йĕркеленĕ. Унта паллă спортсменсемпе тренерсем çеç кĕме пултараççĕ. Вĕсем унта пĕр-пĕрин опычĕпе паллашаççĕ, сĕнÿсем параççĕ.