25 ĕç вырăнĕ хатĕр
Туристсене Тăвай районĕнчи Тĕмер ял тăрăхĕ «Паснерка» усадьбăпа тĕлĕнтересшĕн.
Çапла, Тĕмерте ял туризмне аталантарасшăн. 25 гектар çĕр çинче вырнаçнă «Паснеркăна» 3 çулта туса пĕтернĕ. Унта икĕ хутлă хăна çурчĕ, конференци залĕ, мунча, утар çурчĕ тата ытти объект пур. Усадьбăна савăнăçлă лару-тăрура уçнă чухне инвесторсем вырăнти тÿре-шараран тав сăмахне тивĕçнĕ. Проекта хута янă чухне унта кунсерен 50 çынна илĕртме, 25 ĕç вырăнĕ тума палăртнă.